18:14, 21 - قىركۇيەك 2020 | GMT +6
بۇگىن كەشكە قاسىم- جومارت توقايەۆ ب ۇ ۇ باس اسسامبلەياسىندا بەينەۇندەۋ جاسايدى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ بۇگىن ب ۇ ۇ باس اسسامبلەياسىندا بەينەۇندەۋ جولدايدى، دەپ حابارلايدى قازاقپارات.
بۇل جايىندا مەملەكەت باسشىسىنىڭ باسپا ءسوز حاتشىسى بەرىك ءۋالي مالىمەت تاراتتى.
«بۇگىن نۇر- سۇلتان ۋاقىتى بويىنشا شامامەن ساعات 20.00-دەن كەيىن قازاقستان پرەزيدەنتى قاسىم- جومارت توقايەۆ بىرىككەن ۇلتتار ۇيىمى باس اسسامبلەياسىنىڭ مەرەيتويلىق سەسسياسى اياسىندا ب ۇ ۇ 75 جىلدىعىنا ارنالعان جوعارى دەڭگەيدەگى كەزدەسۋدە بەينەۇندەۋ جاسايدى» دەپ جازدى بەرىك ءۋالي Facebook پاراقشاسىندا.
مەملەكەت باسشىسىنىڭ سويلەگەن ءسوزىنىڭ تىكەلەي ترانسلياتسياسىن ب ۇ ۇ ۆەب- سايتىنان كورۋگە بولادى.
ەسكە سالا كەتەيىك، ءبىز بۇعان دەيىن قازاقستان پرەزيدەنتى قاسىم- جومارت توقايەۆتىڭ ب ۇ ۇ باس اسسامبلەياسىنىڭ 75-سەسسياسىنىڭ جۇمىسىنا قاتىساتىنىن جازعان بولاتىنبىز.