الماتى وبلىسىنىڭ تەكەلى قالاسىنا جاڭا اكىم تاعايىندالدى
باتىر قايىركەن ۇلى مولداحمەتوۆ 1978 -جىلى الماتى قالاسىندا تۋعان. 1999 -جىلى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن «ينجەنەر- پەداگوگ» ماماندىعى بويىنشا بىتىرگەن، 2003 -جىلى د. قونايەۆ اتىنداعى ۋنيۆەرسيتەتىن «زاڭ تانۋ» ماماندىعى بويىنشا، 2007 -جىلى ق. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن «قۇرىلىس» ماماندىعى بويىنشا ءتامامداعان.
2000-2001 -جىلدارى ق ر قارۋلى كۇشتەرىندە قىزمەت وتكەرگەن. ەڭبەك جولىن 1999 -جىلى تالدىقورعان قالاسىنىڭ پوليتەحنيكالىق كوللەدجىندە وندىرىستىك وقىتۋ شەبەرى بولىپ باستاعان.
الماتى وبلىسى اكىمى ورىنباسارىنىڭ كەڭەسشىسى، الماتى وبلىسى اكىمى اپپاراتىنىڭ باس مامانى- وبلىس اكىمى ءبىرىنشى ورىنباسارىنىڭ كومەكشىسى، الماتى وبلىسى اكىمى ءبىرىنشى ورىنباسارىنىڭ كومەكشىسى، پانفيلوۆ اۋدانى اكىمىنىڭ ورىنباسارى، الماتى وبلىستىق قۇرىلىس باسقارماسى باستىعىنىڭ ورىنباسارى، الماتى وبلىسىنىڭ مەملەكەتتىك ساۋلەت- قۇرىلىس باقىلاۋ باسقارماسى باسشىسىنىڭ ورىنباسارى، تەكەلى قالاسى اكىمى اپپاراتىنىڭ باسشىسى بولىپ قىزمەت ەتكەن. 2018 -جىلدىڭ قاڭتار ايىنان - تەكەلى قالاسى اكىمىنىڭ ورىنباسارى بولدى.
ەستەرىڭىزگە سالا كەتەيىك، بۇگىنگى كۇنگە دەيىن تەكەلى قالاسىنىڭ اكىمى بولعان باقتيار ونەربايەۆ قولاستىنداعى مەملەكەتتىك قىزمەتكەرىنىڭ پارامەن ۇستالۋىنا بايلانىستى ءوز ەركىمەن وتستاۆكاعا كەتتى.
اۆتور: سامال قابىشيەۆا