بيىل قانشا گەكتار جەر مەملەكەت مەنشىگىنە قايتارىلدى

نۇر- سۇلتان. قازاقپارات - ق ر اۋىل شارۋاشىلىعى مينيسترلىگى پايدالانىلماي جاتقان جەرلەردى قايتارۋ شارالارى جايىندا ايتتى، دەپ حابارلايدى قازاقپارات ءتىلشىسى.

«قازىرگى كەزدە اۋىل شاۋراشىلىعى ماقساتىنداعى جەرلەردى قورعاۋ سالاسىنداعى باقىلاۋ فۋنكسيالارىن ءتيىستى وبلىستار اۋداندارىنىڭ جەرگىلىكتى اتقارۋشى ورگاندارى جۇزەگە اسىرادى. بۇل رەتتە، ق ر پرەزيدەنتىنىڭ 2019 -جىلعى 26 - جەلتوقسانداعى № 229 «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» جارلىعىمەن 2020 -جىلعى 1 - قاڭتاردان باستاپ 2023 -جىلعى 1 - قاڭتارعا دەيىن قازاقستاندا شاعىن كاسىپكەرلىك سۋبەكتىلەرىنە، ونىڭ ىشىندە شاعىن كاسىپكەرلىك سۋبەكتىلەرىنە بارۋمەن تەكسەرۋ ءارى پروفيلاكتيكالىق باقىلاۋ جۇرگىزۋگە موراتوريي ەنگىزىلگەندىگىن اتاپ ءوتۋ قاجەت. جەر ۋچاسكەلەرىن ماجبۇرلەپ يەلىكتەن شىعارۋ ق ر جەر كودەكسىنىڭ 92-94 باپتارىنا كورسەتىلگەن شارالاردان كەيىن جۇزەگە اسىرىلادى، الايدا اتالعان شارالاردى موراتوريگە بايلانىستى جۇزەگە اسىرۋ مۇمكىن ەمەس»، - دەلىنگەن ق ر اۋىل شارۋاشىلىعى مينيسترلىگىنىڭ «قازاقپاراتتىڭ» ساۋالىنا وراي بەرىلگەن جاۋاپتا.

دەگەنمەن، پايدالانىلماي جاتقان اۋىل شارۋاشىلىعى جەرلەرىن قايتارۋ ماسەلەسى ەرەكشە ماڭىزعا يە. «سول سەبەپتەن، مينيسترلىكپەن جەردىڭ پايدالانىلۋىن عارىشتىق مونيتورينگتەۋ ءادىسى ەنگىزىلىپ، اقمولا، قوستاناي، شىعىس قازاقستان جانە ماڭعىستاۋ وبلىستارىندا پيلوتتىق ىسكە قوسىلدى. 2019 -جىلدىڭ قازان ايىندا زاڭنامالىق نورما قابىلداندى، ال بيىلدىڭ قاڭتار ايىندا جەردى قاشىقتىقتان زوندتاۋ دەرەكتەرى بويىنشا ۆەب- پورتالدا پايدالانىلمايتىن اۋىل شارۋاشىلىعى جەرلەرىن انىقتاۋدىڭ سيفرلىق تەتىگىن ايقىندايتىن بۇيرىق قابىلداندى. جۇرگىزىلگەن جۇمىستاردىڭ ناتيجەلەرى بويىنشا 2020 -جىلدىڭ ىشىندە 2,6 ميلليون گەكتاردان استام پايدالانىلماعان جايىلىمدار ەرىكتى تۇردە مەملەكەتتىك مەنشىككە قايتارىلدى»، - دەپ ناقتىلاندى ۆەدومستۆو ماماندارى.

اۆتور: رۋسلان عابباسوۆ