قازاقستاندا مىڭنان اسا ادام ءىز-ءتۇسسىز جوعالعان
بۇل تۋرالى ق ر ءى ءى م كريمينالدىق پوليتسيا دەپارتامەنتىنىڭ باستىعى دۋمان تايەۆ ادام ساۋداسىنا قارسى كۇرەس بارىسى تۋرالى وتكەن بريفينگتە ايتتى، دەپ حابارلايدى Egemen.kz.
«قازىرگى تاڭدا ءىز-ءتۇزسىز جوعالعاندار سانى 1200 ادامدى قۇراپ وتىر. ونىڭ ىشىندە 22 سى بالا. كوپ جاعدايدا ەر ادامدار جوعالىپ جاتادى. ول ءىسساپار مەن اۆتوكولىك ايداپ اكەلۋ، ماۋسىمدىق جۇمىستار بويىنشا وزگە ايماققا كەتكەن ەر ازاماتتارعا قاتىستى بولىپ وتىر. ال ايەلدەر ىشىمدىك ىشكەننىڭ سالدارىنان وسىنداي وقيعاعا دۋشار بولىپ جاتادى. جاسوسپىرىمدەر اراسىندا مۇنداي جاعداي الەۋمەتتىك از قامتىلعان وتباسىلارىنىڭ جاعدايىنا، اتا-اناسىمەن كەلىسپەۋشىلىكتىڭ سالدارىنان تۋىنداپ جاتادى»، دەدى دۋمان تايەۆ.
ونىڭ ايتۋىنشا، سوڭعى 180 جاعداي بويىنشا انىقتالىپ، تۋىستارىنا قايتارىلىپ جاتىر.
«ادام ساۋداسىنا قاتىستى سەكسۋالدىق ارەكەتتەرگە ماجبۇرلەۋ ءىرى قالالاردا كەزدەسسە، جۇمىس كۇشىنە ماجبۇرلەۋ اۋىلداردا كوپ كەزدەسەدى. سوندىقتان دا بۇل قىلمىس تۇرلەرى بارلىق وڭىردە كەزدەسەدى»، دەدى ول.