سىرتقى ىستەر مينيسترلىگىنىڭ بۇرىنعى جاۋاپتى حاتشىسىنا قاتىستى ۇكىم شىقتى
«قاراشيەۆ (بۇعان دەيىن سىرتقى ىستەر مينيسترلىگىنىڭ جاۋاپتى حاتشىسى قىزمەتىن اتقارعان) ەلشىلىك عيماراتىنىڭ قۇرىلىسى ءۇشىن جانە قوسىلعان قۇن سالىعىنا بولىنگەن اقشالاي قاراجاتتى جىمقىرعانى ءۇشىن ايىپتالدى. سونداي- اق، ول كاسىپكەرلەردەن پارا العاندىعى، اقشالاي قاراجاتتى زاڭداستىرعانى ءۇشىن ايىپتالدى. پروكۋرور سوت تالقىلاۋى بارىسىندا قاراشيەۆتىڭ پارا الۋ مەن قاراجاتتى زاڭداستىرۋداعى ايىپتان باس تارتىپ، ايىپتىڭ جاڭا تۇجىرىمداماسىن ۇسىندى. پروكۋروردىڭ مۇنداي شەشىمى سوت ءۇشىن مىندەتتى بولىپ تابىلادى. سوت قاراشيەۆتىڭ ءىس- ارەكەتىن لاۋازىمدىق وكىلەتتىلىكتى تەرىس پايدالانۋ دەپ سارالادى»، - دەلىنگەن تاراتىلعان حابارلامادا. سونىمەن قاتار، ۋتەمبايەۆ (وزبەكستانداعى بۇرىنعى ەلشى) قاراشيەۆقا قىلمىستىق قۇقىق بۇزۋشىلىققا كومەكتەسكەنى ءۇشىن ايىپتالدى.
ساكەنوۆا (س ءى م باسقارماسى شارۋاشىلىعىنىڭ بۇرىنعى ديرەكتورى) كاسىپكەرلەردەن پارا العاندىعى ءۇشىن ايىپتالدى. نۇرەكەنوۆ، جۋماسانوۆاعا (باسقارمانىڭ بۇرىنعى قىزمەتكەرلەرى) كەلەسىدەي ايىپ تاعىلدى: ءبىرىنشىسى - وكىلەتتىلىكتى تەرىس پايدالانۋعا جانە پارا الۋعا كومەكتەسكەن، ەكىنشىسى - پارا الۋعا كومەكتەسكەن. جشس- ءنىڭ باسشىسى كۋتدۋسوۆ پارا بەرگەندىگى ءۇشىن ايىپتالدى. «بارلىق سوتتالۋشىلارعا ايىپتاۋ ۇكىمى جاريالاندى. سوت قاراشيەۆ، ۋتەمبايەۆ جانە نۇرەكەنوۆتىڭ العاشقى رەت جاۋاپتىلىققا تارتىلىپ وتىرعاندىعىن، كامەلەتكە تولماعان بالالارىنىڭ بار بولۋىن ەسەپكە الدى. ساكەنوۆا، جۋماسانوۆا جانە كۋتدۋسوۆ جاساعان ءىس- ارەكەتتەرىنە وكىندى، ايىبىن مويىنداپ كەلگەن، جان- جاقتى مويىنداۋ تۇسىنىكتەرىن بەرگەن، ساكەنوۆانىڭ بالاسى بار. قاراشيەۆ - 55 جاستا، ۋتەمبايەۆ - 54 جاستا. قاراشيەۆ جانە ۋتەمبايەۆقا 2 جىل باس بوستاندىعىن شەكتەۋ جازاسى (باپ سانكتسياسى 7 -جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋدى قاراستىرادى) تاعايىندالدى. نۋرەكەنوۆكە - 5 جىل، ساكەنوۆا، جۋماسانوۆاعا 2 جىل بوستاندىعىنان ايىرۋ جازاسى، ال كۋتدۋسوۆقا ايىپپۇل تۇرىندەگى جازا تاعايىندالدى»، - دەپ اتالىپ وتكەن سوت مالىمەتىندە.
بارلىق سوتتالۋشىلار مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى. ۇكىم زاڭدى كۇشىنە ەنگەن جوق. ەسكە سالا كەتەيىك ، 2018 -جىلى ماۋسىمدا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى بۇرىنعى شەنەۋنىكتى ءىرى پارامەن ۇستادى.