ەلىمىزدە قانداي قىلمىس ءجيى جاسالادى

نۇر-سۇلتان. قازاقپارات - ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز قازاقستاندا وتكەن اپتادا تىركەلگەن قىلمىستار جونىندە ايتىپ بەردى، دەپ حابارلايدى قازاقپارات ءتىلشىسى.

«وتكەن اپتادا ەلىمىزدە 3434 قىلمىس پەن قۇقىقبۇزۋشىلىقتار تىركەلدى. كەزەكشى ءىز كەسۋشىلەر 2228 قىلمىستى انىقتادى. قىلمىستار اراسىندا بۇرىنعىداي ۇرلىق كوش باستاپ تۇر. وتكەن اپتادا ەلىمىز بويىنشا 1316 ۇرلىق جاسالعان. ونىڭ ىشىندە 568 ۇرلىق اشىلدى»، - دەدى ءنۇردىلدا وراز facebook جەلىسىندە وتكەن ونلاين بريفينگتە.

رەسمي وكىلدىڭ ايتۋىنشا، قارجىلىق پيراميدا قۇرعان بىرنەشە كۇدىكتىگە قاتىستى تەرگەۋ باستالدى. ق ر ءى ءى م تەرگەۋ دەپاراتمەنتى 2016-2017 -جىلدار ارالىعىندا Questra Holdings، Questra World، Atlantic Global Asset Management، FIVE WINDS Asset Management دەگەن اتاۋلارمەن قارجىلىق پيراميدا قۇرعان ءبىرقاتار ەلىمىزدىڭ جانە باسقا ەلدەردىڭ ازاماتتارىنا قاتىستى تەرگەۋدى باستادى. ولاردىڭ ارەكەتىنەن مىڭداعان قازاقستاندىق زارداپ شەككەن. قاراپايىم ازاماتتار باس- اياعى 1 ميلليارد تەڭگەدەن استام قاراجاتقا الدانعانىن ايتىپ وتىر»، - دەدى ن. وراز.

اۆتور: ايجان سەرىكجان قىزى