قازاقستاندا استىق ەكسپورتىنىڭ الەۋەتى قانداي؟

نۇر-سۇلتان. قازاقپارات - قازاقستان بيىلعى استىقتى ورتا ازيا ەلدەرىنە ەكسپورتتايدى، دەپ حابارلايدى قازاقپارات ءتىلشىسى.

«بيىل 18 ميلليون توننا استىق داقىلدارىن جيناۋ جوسپارلانۋدا، بۇل ىشكى نارىقتى قامتاماسىز ەتۋگە جانە ەكسپورتتىق الەۋەتتى ىسكە اسىرۋعا جەتكىلىكتى»، - دەلىنگەن ق ر اۋىل شارۋاشىلىعى مينيسترلىگىنىڭ «قازاقپاراتتىڭ» ساۋالىنا وراي بەرىلگەن جاۋاپتا.

بۇل رەتتە اعىمداعى جىلدىڭ ەكسپورتتىق ستراتەگياسى بىلتىرعىدان وزگەشە بولمايدى جانە ءداستۇرلى نارىقتاعى (ورتا ازيا ەلدەرى: وزبەكستان، تاجىكستان، قىرعىزستان، تۇرىكمەنستان)، اۋعانستان جانە يران) ۇستەم پوزيتسيالاردىڭ ساقتالۋىمەن سيپاتتالادى.

«سونداي-اق، قول جەتكىزىلگەن كەلىسسوزدەر اياسىندا پەرسپەكتيۆالى باعىتتا قىتاي ەلىنە ەكسپورت قارقىنىن قولداۋ قاجەت. 2020/2021 ماركەتينگتىك جىلى استىق پەن ۇننىڭ ەكسپورتتىق الەۋەتى شامامەن 7,5-8 ميلليون توننانى قۇرايدى»، - دەپ ناقتىلادى ۆەدومستۆو ماماندارى.