11:13, 21 - قىركۇيەك 2020 | GMT +6
كوروناۆيرۋس شارىقتاۋ شەگىنە جەتتى
نۇر-سۇلتان. قازاقپارات - ۇلى بريتانيادا جاڭا ءتيپتى كوروناۆيرۋس ىندەتى شارىقتاۋ شەگىنە جەتتى.
بۇل تۋرالى انگليانىڭ باس سانيتارلىق دارىگەرى كري ۋيتتيدىڭ دۇيسەنبى كۇنى جاساۋ ءتيىس بايانداماسىندا ايتىلعان، دەپ حابارلايدى ر ا اگەنتتىگى.
«ۇلى بريتانياداعى قازىرگى ءۇردىس تەرىس باعىتقا بارا جاتقاندىعىمىزدىڭ ايعاعى. بۇل ءبىزدىڭ پاندەميانىڭ شارىقتاۋ شەگىنە جەتكەندىگىمىزدى كورسەتەدى»، - دەلىنگەن ۋيتتيدىڭ بايانداماسىندا.
ول باسپا ءسوز ءماسليحاتىندا بريتاندىق ۇكىمەتتىڭ عىلىمي كەڭەسشىسى پاتريك ۆاللانسپەن بىرگە ءسوز سويلەۋى ءتيىس.
ر ا مالىمەتىنشە، بىرىككەن كورولدىكتىڭ پرەمەر-ءمينيسترى بوريس دجونسون سەيسەنبىدە ۇلتقا ارناپ تەلەۇندەۋ جولداۋى مۇمكىن. وندا پرەمەر-مينيستر كوروناۆيرۋسقا بايلانىستى ەنگىزىلگەن ساقتىق ەرەجەلەرىن قاتاڭ ۇستانۋدى سوڭعى رەت ەسكەرتپەك. ولاي بولماعان جاعدايدا جالپى ۇلتتىق كارانتين ەنگىزىلەتىن بولادى.