امەريكالىق توپ «ايتتىم سالەم، قالامقاس» ءانىن ورىندادى

نۇر-سۇلتان. قازاقپارات - ابايدىڭ 175 جىلدىعىنا وراي امەريكالىق Humming House توبى «ايتتىم سالەم، قالامقاس» ءانىنىڭ اۋەنىن ورىندادى، دەپ حابارلايدى قازاقپارات قازاقستانداعى ا ق ش ەلشىلىگىنىڭ فەيسبۋكتەگى پاراقشاسىنا سىلتەمە جاساپ.

«2018-جىلى بۇل توپ American Music Abroad باعدارلاماسىنىڭ ارقاسىندا قازاقستانعا، ابايدىڭ تۋعان جەرى - سەمەي قالاسىنا كەلگەن بولاتىن. بۇل ولاردىڭ قازاق ءانىن ءبىرىنشى رەت ورىنداۋى ەمەس. 2018-جىلى Humming House توبى «ناۋرىز» ءانىنىڭ كاۆەر نۇسقاسىن ءاننىڭ اۆتورى ايدوس ساعاتپەن بىرگە جازعان ەدى» دەلىنگەن حابارلامادا.