رەسەيدە قازاقستاننىڭ كاسپي ماڭى جايلى كىتاپ جارىق كوردى
كىتاپ اۆتورى - اتىراۋدا دۇنيەگە كەلگەن پروزاشى، اقىن، تاريحشى ۆالەنتين تارابرين، دەپ حابارلايدى قازاقپارات ءتىلشىسى.
«تام، گدە ۋرال ۆپاداەت ۆ كاسپيي…» دەپ اتالاتىن جيناق قازاقستاننىڭ كاسپي ماڭى استاناسى سانالاتىن اتىراۋ قالاسىنىڭ 380 جىلدىعىنا ارنالعان.
جيناقتا اۆتوردىڭ ولەڭدەرى، ەسسەلەرى، باللادالارى، پوەمالارى، اندەرى مەن پروزالىق شىعارمالارى توپتاستىرىلعان. اقىن ليريكالارىندا تۋعان جەرىنە دەگەن سۇيىسپەنشىلىگى انىق سەزىلەدى.
ال «زۆەزدا رىباكا»، «لۋچ ۆ ستەپي»، «ترۋدنوە ۆرەميا ۋرالا»، «تۋداكوۆى نا يايكە: يستوكي، لەگەندى، فاكتى»، «پو زامەرزشەي مەجە» ءومىرباياندىق وچەركتەردە ۆالەنتين تارابرين كاسپي ماڭىنىڭ الۋان ءتۇرلى تابيعاتىن سيپاتتاپ، ءومىرى ونەگەگە اينالعان ادامدارمەن كەزدەسۋى جايىندا ءسوز قوزعايدى، قالامەن بايلانىستى قىزىقتى تاريحي فاكتىلەر جايىندا سىر شەرتەدى. سونىمەن قاتار جيناقتا اۆتوردىڭ جەكە مۇراعاتىنان كوپتەگەن بىرەگەي سۋرەت جاريالانعان.