ەلورداداعى «بۇكىر كوپىر» وپىرىلىپ قۇلادى

نۇر-سۇلتان. قازاقپارات - ەلوردانىڭ الاش تاس جولى بويىنداعى «بۇكىر كوپىر» اتالىپ كەتكەن كوپىردىڭ ءبىر جاق شەتى وپىرىلىپ قۇلادى، دەپ حابارلايدى قازاقپارات ءتىلشىسى.

نۇر-سۇلتان قالالىق توتەنشە جاعدايدار دەپارتامەنتىنىڭ مالىمەتىشە، كوپىردىڭ قۇلاعانى تۋرالى اقپارات كەشە تاڭەرتەڭگى ساعات 04:50 تە تۇسكەن.

وقيعا ورنىنا ءمان-جايدى انىقتاۋ ءۇشىن ت ج د ماماندارى اتتانعان. ناتيجەسىندە «قازاق جول قۇرىلىس» ج ش س- نىڭ كوپىردى بولشەكتەۋ جۇمىستارى بارىسىندا تەمىر-بەتون ارقالىقتىڭ تەمىر جولدىڭ ۇستىنە قۇلاعانى انىقتالعان.

«وقيعا ورنىندا جولدى تازالاۋ، كوپىردى بولشەكتەۋ جۇمىستارى جۇرگىزىلىپ جاتىر. پويىز قوزعالىسىندا ىركىلىس جوق. كوپىر ۇستىمەن ماشينالاردىڭ جۇرۋىنە تەك سول جاق بولىگى عانا جابىلعان. قازا تاپقاندار مەن زارداپ شەككەندەر جوق»، - دەپ اتاپ وتەدى دەپارتامەنتتەن.