+7 (701) 759 90 19
-5 °С : نۇر-سۇلتان
-2 °С : الماتى
USD 432.64 EUR 505.02
RUB 5.47 CNY 64.7
جاڭالىقتار

موڭعوليا پرەزيدەنتى بايان-ولگەي ايماعىنىڭ حالقىمەن كەزدەسەدى - شەتەلدەگى قازاق ءتىلدى ب ا ق- قا شولۋ

20 قىركۇيەك 11:21
:ءبولىسۋ
موڭعوليا پرەزيدەنتى بايان-ولگەي ايماعىنىڭ حالقىمەن كەزدەسەدى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

موڭعوليا پرەزيدەنتى بايان-ولگەي ايماعىنىڭ حالقىمەن كەزدەسەدى - KAZNEWS

موڭعوليا پرەزيدەنتى حالتمااگين باتتۋلگا جۇمىس ساپارىمەن ەلدىڭ باتىس ءوڭىرىن ارالاپ، حالىقپەن كەزدەسۋ وتكىزەدى، دەپ جازادى موڭعوليالىق KAZNEWS اقپاراتتىق پورتالى پرەزيدەنتتىڭ باسپا ءسوز قىزمەتىنە سىلتەمە جاساپ.

«پرەزيدەنت 2020-جىلدىڭ 18-قىركۇيەگىندە زاۆحان ايماعىندا، 19-قىركۇيەگىندە ۋۆس ايماعىندا حالىقپەن كەزدەسەدى. سونداي-اق، قىركۇيەكتىڭ 20 سى كۇنى 15:30 دا بايان-ولگەي ايماعىنىڭ حالقىمەن ايماقتىق مۋزىكالىق دراما تەاترىندا كەزدەسۋ وتكىزەدى»، - دەپ حابارلايدى KAZNEWS.

تۇركيادا سەلچۋك يمپەرياسى تۋرالى جاڭا فيلم كورسەتىلەدى - ت ر ت

تۇركيا راديو جانە تەلەديدار كورپوراتسياسىنىڭ (ت ر ت) سەلچۋك يمپەرياسى جونىندەگى جاڭا «ويانۋ: ۇلى سەلچۋك» اتتى سەريالىنىڭ ءبىرىنشى ءبولىمى 28-قىركۇيەكتە كورەرمەنگە جول تارتادى، دەپ جازادى تۇركيا راديو تەلەۆيزيا پورتالى.

«جاڭا ەفيرلىك ماۋسىمىن تاماشا تەلەحيكايالارمەن باستاۋعا دايىندالىپ جاتقان ت ر ت 1 دە سەلچۋك يمپەرياسى تۋرالى جاڭا حيكايانى باياندايتىن «ويانۋ: ۇلى سەلچۋك» تۋىندىسى دۇيسەنبى، 28- قىركۇيەك كۇنى كورسەتىلەدى. وسى سەريال ارقىلى ت ر ت ەكراندارىندا كورەرمەندەردىڭ جاقسى باعاسىن العان «فيلينتا»، «ەرتۇعىرىل، قايتا ءتىرىلۋ»، «پايتاح ابدۋلحاميت» جانە «ءيا تاۋەلسىزدىك، ءيا ءولىم» سىندى تاريحي سەريالدارعا تاعى ءبىر تىڭ تۋىندى قوسىلدى.

جاڭا قويىلىم اكتەرلەرىمەن، ەرەكشە كوستيۋمدەرىمەن جانە تاريحي مەكەندەرى، قىزىقتى وقيعالارىمەن جۇرت نازارىن اۋداراتىن بولادى»، - دەپ جازادى TRT.


يندونەزيادا بەتپەردە تاقپاي قولعا تۇسكەندەر قابىر قازۋعا جىبەرىلۋدە - «ءو ز ا» اقپاراتتىق اگەنتتىگى

يندونەزيادا قوعامدىق ورتادا بەتپەردەسىز ءجۇرىپ قولعا تۇسكەن ادامدار كوروناۆيرۋستان قازا بولعانداردىڭ قابىرىن قازۋعا جىبەرىلۋدە، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

«يندونەزيانىڭ گرەسيك وكرۋگىندە پاندەميا كەزىندە ماسكاسىز جۇرگەن ەر ادامداردى پروفيلاكتيكالىق ماقساتتا جازالاۋ تۋرالى شەشىم قابىلدانىپ، تۇتقىندالعان ءتارتىپ بۇزۋشىلار كوروناۆيرۋس قۇرباندارىنا بەيىت قازۋعا جۇمىلدىرىلۋدا. جەرگىلىكتى ۇكىمەت قىزمەتكەرلەرىنىڭ ايتۋىنشا، بۇل ايماقتا تەك ءۇش كاسىبي بەيىت قازۋشى بولعان، سوندىقتان بۇل جاعداي ولارعا قوسىمشا كومەك بولادى. ال جاڭادان قولدانىسقا ەنگەن تارتىپكە ساي، قازىرگە دەيىن سەگىز ازامات تۇتقىندالعان جانە ولار ارنايى قابىرستانعا كوروناۆيرۋس قۇرباندارىنا بەيىت قازۋ ءۇشىن جىبەرىلگەن»، - دەپ جازادى «ءو ز ا» اگەنتتىگى.

موڭعوليا سىيلاعان 30000 قوي جاقىن ۋاقىتتا قىتايعا جەتكىزىلەدى - «جەنمين جيباو» (People Daily)

موڭعوليانىڭ قىتايداعى كوروناۆيرۋسقا قارسى كۇرەستى قولداۋ ماقساتىندا سىيلاعان 30 مىڭ باس قويى جاقىن ۋاقىتتا قىتايعا جەتكىزىلەدى، دەپ حابارلايدى kazakh.people.com.cn سايتى.

«موڭعوليا قىتاي تاراپىنا قايىرىمدىلىق كورسەتۋگە دايىن ەكەنىن بىلدىرگەننەن كەيىن، قىتايلىق ۆەتەرينارلار مەن تەحنيكتەر دايىندىق جۇمىستارىن جۇرگىزۋ ءۇشىن موڭعولياعا بارعان. الداعى ۋاقىتتا موڭعوليانىڭ كومەككە اتاعان قويلارى وقشاۋلانىپ، قاجەتتى كارانتين جۇمىستارى جاسالعاننان كەيىن قىتايعا وتكىزىلىپ بەرىلەدى. ال قىتايعا جەتكىزىلگەننەن كەيىن قىتايدىڭ ىشكى موڭعوليا اۆتونوميالى ولكەسىنىڭ ەرلەنحوت دەگەن جەرىندە تاعىدا قاجەتتى كارانتين جاسالىپ، قويلاردى سويىپ دايىندايدى. وسىدان سوڭ بارىپ حۋبەي پروۆينتسياسىنا تاپسىرىلادى»، - دەپ جازادى People Daily.

ايتا كەتسەك، اقپان ايىندا موڭعوليا پرەزيدەنتى قىتايداعى ساپارى كەزىندە، كوروناۆيرۋسقا قارسى كۇرەستە قولداۋ ماقساتىندا قىتايعا 30 مىڭ قوي سىيلاعان بولاتىن.

بۇراتالا جەرىندە ارقارلار «كۇزگى سەيىلگە» شىقتى - تيانشاننەت

كۇز باستالعاننان بەرى بۇراتالا وبلىسىنىڭ تيان-شان تاۋىنىڭ قىرقالارىنا توپ-توپ ارقارلار جينالىپ، كوزگە ءتۇستى، دەپ جازادى قىتايلىق kazakh.ts.cn پورتالى.

«ارقار - قىتايدا مەملەكەت جاعىنان ەكىنشى دارەجەلى قورعالاتىن اڭ. ىرىلەرىنىڭ سالماعى 200 ك گ- گە جەتەدى. قۇلجاسىنىڭ ءمۇيىزى جۋان، بۇرالىپ يىلگەن، ايشىقتى. ال ۇرعاشىسىنىڭ ءمۇيىزى نازىك، وتە قىسقا بولادى. مۇيىزىندەگى ساقيناعا قاراپ ولاردىڭ جاسىن انىقتايدى. قىستا سالقىن تۇسسە، تاۋدىڭ ەتەگىنە، كوكتەم مەن جازدا تاۋدىڭ جوعارعى بەلدەۋىنە قاراي قونىس اۋدارادى. قازان-قاراشادا كۇيلەپ، 6 ايدان سوڭ كوبىنە، جالقى قوزى تابادى. ارقار - بيىك تاۋلاردا تىرشىلىك ەتۋگە بەيىم، ايازعا وتە ءتوزىمدى جانۋار. تابيعي جاعدايدا 12-14 جىل تىرشىلىك ەتەدى. نازارلارىڭىزعا وسى تاۋ قىرقالارىندا توپتاسقان ارقارلاردىڭ ەرەكشە كورىنىستەرىنەن فوتورەپورتاج ۇسىنامىز»، - دەپ جازادى «تيانشاننەت» اقپاراتتىق پورتالى.


قازاقستان قىتايعا اۋىل شارۋاشىلىعى ونىمدەرىن ەكسپورتتاۋعا دايىن - «فارس» اقپارات اگەنتتىگى

قاسىم-جومارت توقايەۆ قىتايدىڭ سىرتقى ىستەر ءمينيسترى ۆان يدى قابىلداۋىندا ەكى ەل اراسىندا ەكونوميكانىڭ ءتۇرلى سالالارىنا، سونىڭ ىشىندە اۋىل شارۋاشىلىعىنا ينۆەستيتسيا سالۋ جوبالارىن ورىنداۋ قاجەتتىگىن قۋاتتادى، دەپ جازادى «فارس» اقپارات اگەنتتىگى.

«قازاقستان پرەزيدەنتى قىتايدىڭ سىرتقى ىستەر مينيسترىمەن كەزدەسۋىندە: «قازاقستاننىڭ ءونىم وندىرۋشىلەرى قىتايعا اۋىل شارۋاشىلىعى ونىمدەرىن، اسىرەسە ءداندى-داقىلداردى ەكسپورتتاۋدا جوعارى الەۋەتكە يە»، - دەدى.

قىتاي سىرتقى ىستەر ءمينيسترى وسى كەزدەسۋدە: «قازاقستان استاناسى نۇر-سۇلتان - قىتايدىڭ ايماقتاعى ماڭىزدى ستراتەگيالىق سەرىكتەسى. بەيجىڭ ەكى ەل حالىقتارىنىڭ يگىلىگى جولىندا ارىپتەستىكتى جان-جاقتى دامىتۋعا جانە نىعايتۋعا دايىن»، - دەدى»، - دەپ جازادى رarstoday.

اۆتور: باقىتجول كاكەش


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات