پلانەتانىڭ ەڭ قارت تۇرعىنى ءومىر ءسۇرۋ ۇزاقتىعى بويىنشا رەكورد ورناتتى
بۇل تۋرالى ر ب ك جازدى.
مينيسترلىكتىڭ مالىمەتىنشە، ول 2018-جىلى قايتىس بولعان تاعى ءبىر جاپونيالىق تاجيما ءنابيدىڭ رەكوردىنەن ءبىر كۇنگە اسىپ تۇسكەن. بۇعان دەيىن تاناكا گيننەستىڭ رەكوردتار كىتابىنا قازىر ءومىر ءسۇرىپ جاتقان ەڭ قارت ادام رەتىندە ەنگەن بولاتىن.
ايەل قارتتار ۇيىندە تۇرادى، ول تەلەارناعا بەرگەن سۇحباتىندا شوكولاد پەن گازدالعان سۋسىنداردى جاقسى كورەتىنىن ايتقان. تاناكا تۋىستارىنىڭ ايتۋىنشا، ول ءوزىن جاقسى سەزىنەدى جانە 120 جاسقا دەيىن نەمەسە ودان دا كوپ ءومىر ءسۇرۋدى جوسپارلاپ وتىر.
گيننەستىڭ رەكوردتار كىتابىندا ءومىر ءسۇرۋ ۇزاقتىعى بويىنشا ءۇش كاتەگوريا بار: ەڭ قارت ەر ادام، ەڭ قارت ايەل جانە قازىرگى ەڭ قارت ادام.
ءومىر ءسۇرۋ ۇزاقتىعى بويىنشا ابسوليۋت رەكورد 1997-جىلى 122 جاس، 164 كۇندە قايتىس بولعان فرانسيالىق ايەل جاننا-لۋيزا كالمانعا تيەسىلى.
tengrinews.kz