+7 (701) 759 90 19
1 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

تابىسىن قىشتان قالاعان قارجى مامانى: ءبىر عانا ىدىس مەنى بىرەگەي جولعا جەتەلەدى

20 قىركۇيەك 12:12
:ءبولىسۋ
تابىسىن قىشتان قالاعان قارجى مامانى: ءبىر عانا ىدىس مەنى بىرەگەي جولعا جەتەلەدى

نۇر-سۇلتان. قازاقپارات - ەلىمىزدە قىش-قۇمىرا جاساۋ ونەرىنە كوپتىڭ قىزىعۋشىلىعى ارتىپ كەلەدى.

قولونەر كاسىبىنىڭ قالايشا بيزنەس ءۇشىن ماركەتينگتىك يدەياعا اينالعانىن جانە كەراميكاعا قىزىعۋشىلار ول ونەردى يگەرۋ ءۇشىن نەنى ءبىلۋى كەرەكتىگىن قازاقپارات ءتىلشىسى «Twist» قىش-قۇمىرا ستۋدياسىنىڭ نەگىزىن قالاۋشىدان ءبىلىپ كورگەن ەدى.

34 جاستاعى ءالفيا بايمۇقانوۆا سولتۇستىك قازاقستان مەملەكەتتىك ۋنيۆەرسيتەتىن «قارجى» ماماندىعى بويىنشا بىتىرگەن. ءبىراز ۋاقىت پەتروپاۆلدا بانكتە جۇمىس ىستەگەن. الايدا ءوزىنىڭ شىنايى ەڭبەك جولىن باسقا سالادان تاۋىپتى.

«قىش-قۇمىرا ونەرىنە دەگەن قىزىعۋشىلىعىم 6 جىل بۇرىن پايدا بولدى. ءبىر كۇنى بالشىقتان ىدىس جاساپ كورىپ، سول-اق ەكەن قىش-قۇمىرا ونەرىنە اڭسارىم اۋدى. ءسويتىپ ءجۇرىپ دانيالىق كەراميكاشىنىڭ جارناماسىن كوزىم شالىپ قالدى. ول سانكت-پەتەربۋرگتە شەبەرلىك ساعاتىن وتكىزگەلى جاتىر ەكەن. مەن ءۇشىن بۇل ءبىر مۇمكىندىك ەكەنىن بىلە قويدىم دا، بىردەن بيلەت ساتىپ الدىم»، - دەيدى ءالفيا.

ءالفيا ونەردىڭ بۇل تۇرىمەن ۇيىندە اينالىسا باستاپتى. العاشقى تۋىندىلارىن اس ۇيىندە جاساپ وتىرىپ، ءوز ستۋدياسىن اشۋ تۋرالى شەشىمگە كەلگەن. ءتورت جىل بۇرىن ونەرى مەن تاجىريبەسى تولىسقان ول بالشىقتان ونەر تۋىندىسىن جاساۋ شەبەرلىگىمەن بولىسپەككە بەكىنەدى.

«البەتتە ءاۋ باستا ازداعان ۋايىم بولدى. قولعا العان ءىسىم قولداۋعا يە بولا ما، الدە، جوق پا دەپ الاڭداۋشى ەدىم. ال قازىر «Twist» ستۋدياسىنىڭ تابىستى جۇمىس ىستەپ جاتقانىنا ءبىر جارىم جىل بولدى»، - دەيدى ستۋديانىڭ نەگىزىن قالاۋشى.

ءالفيا ءوزىنىڭ قىش-قۇمىرا ونەرىن مەديتاتسيا ءتۇرى دەپ بىلەدى ەكەن. «بالشىقتى ءبىر- بىرىنە جابىستىرىپ باستاعاننان-اق ويدىڭ ءبارى ىسكە جۇمىلادى دا، كوڭىلدەگى ۋايىم ۇمىتىلادى. ونەر تۋىندىسىن جاساۋ ءۇردىسى ءتىپتى تامساندىرادى: قىش- قۇمىرا دوڭگەلەگىن ەپپەن شىعارۋ - قازىرگى ماسەلەلەردەن الىسقا اكەتەدى. ءسىز ءوز قولىڭىزبەن جاساعان ءار ىدىستا وزىندىك تاريح، تولىمدى ويلار مەن كوڭىل- كۇي جاتادى. سونىمەن قاتار جۇمىس بارىسىندا شىعارماشىلىق الەۋەتىڭىز اسقاقتاپ، ومىرگە دەگەن ماحابباتىڭىز كۇشەيە تۇسەدى»، - دەيدى ءالفيا بايمۇقانوۆا.

قولونەرشى ماتەريالدار مەن قۇرالداردى باسقا ەلدەن، اتاپ ايتقاندا بالشىق پەن جىلتىراق اشەكەيلەردى گەرمانيا، يتاليا مەن رەسەيدەن اكەلەدى ەكەن. ءالفيانىڭ ايتۋىنشا قىش-قۇمىرا ونەرىنىڭ ورنى ايرىقشا. سەبەبى وندا بالشىقتى ءبىر-بىرىنە جابىستىرا بەرمەيسىز. بالشىقتىڭ ءوزىن ىدىس بولا الاتىنداي باپقا كەلتىرۋ ءۇشىن ول بىرنەشە كەزەڭنەن وتەدى. ول ءۇشىن بالشىقتى 1000 گرادۋستىق ارنايى پەشكە كۇيدىرىپ الۋ كەرەك.

«دايىن ءونىمدى الۋ ءۇشىن ونىڭ بابىن بىلگەن ابزال. بۇل ونەر تولىققاندى نازاردى تالاپ ەتەدى. جىلدام جاساعىڭىز كەلسە ىرقىڭىزعا تاعى كونبەيدى. ىدىستى تولىعىمەن دايىن بولۋ ءۇشىن ونى كەپتىرىپ، كۇيدىرىپ، اشەكەيلەگەننەن كەيىن قايتا كۇيدىرۋ كەرەك. الايدا ءبىزدىڭ شەبەرلىك ساعاتىنا كەلەتىندەردى ەڭ الدىمەن بوساڭسىپ، بالشىقپەن جۇمىس ىستەۋدەن ءلاززات الۋعا شاقىرار ەدىم. ءبىرىنشى رەت اينالىسقاننان- اق بۇل ونەر ءسىزدىڭ پەشەنىڭىزگە جازىلدى ما، جوق پا - بىردەن بىلەسىز»، - دەپ اتاپ ءوتتى ءالفيا.

ءوزىنىڭ ستۋدياسىندا ءالفيا ەرەسەكتەرگە ارناپ شەبەرلىك ساعاتتارىن وتكىزەدى ەكەن. الايدا بالالاردىڭ سىنىبى بار. شارالاردىڭ كوبى مەرەكەلىك سيپاتتا وتەدى ەكەن. كەراميكا ونەرىن باعالاۋشىلار ءارتۇرلى فورماداعى ىدىستار ساتىپ تا الا الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات