الماتىدا دارىگەرلەردىڭ بەينەسى كوشەلەردەگى بيلبوردتارعا قويىلدى

None
None
الماتى. قازاقپارات - الماتى اكىمدىگى قالا كۇنىن مەرەكەلەۋ اياسىندا پاندەميا كەزىندە كوروناۆيرۋسپەن كۇرەستە الدىڭعى قاتاردا بولعان دارىگەرلەردىڭ ەڭبەگى مەن ەرلىگىنە دەگەن العىس پەن قۇرمەت بەلگىسى رەتىندە «الماتى ىنتىماقتاستىعى» كورمەسىن ۇيىمداستىردى، دەپ حابارلايدى قازاقپارات ءتىلشىسى.

الماتىلىقتار مەترو ستانتسيالارى مەن LED- ەكراندارداعى بيلبوردتاردان اق حالاتتى ابزال جاناردى كورە الادى.

فوتوسەسسياعا 29№ قالالىق ەمحاناسىنىڭ، الماتى قالالىق جەدەل مەديتسينالىق جاردەم قىزمەتىنىڭ، 1№ قالالىق كلينيكالىق اۋرۋحاناسىنىڭ، ش ج ق «ورتالىق قالالىق كلينيكالىق اۋرۋحانا» م ك ك، 17№ قالالىق ەمحاناسىنىڭ، ي. س. جاكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جانە قالالىق بالالار جۇقپالى اۋرۋلار اۋرۋحاناسىنىڭ 100 دەن استام مەديتسينا قىزمەتكەرى قاتىستى.

«وزىمنەن جانە ءوز ارىپتەستەرىمنەن فوتوسەسسياعا شاقىرعانى ءۇشىن العىسىمدى بىلدىرگىم كەلەدى. ناۋرىز ايىنان بەرى كورمەگەن كوپتەگەن ارىپتەستەرىمىزدى كوردىك. تاجىريبە الماسىپ، ءبىر تۋعانداي اڭگىمەلەسە الدىق. كوڭىل-كۇيدى كوتەرەتىن وسىنداي ءىس-شارالار كوبىرەك بولسا ەكەن»، - دەدى مەدبيكە گۇلميرا ابدۋللايەۆا.

سوڭعى جاڭالىقتار