+7 (701) 759 90 19
-9 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

حالىقارالىق «بولاشاق» ستيپەندياسىنىڭ يەگەرلەرى انىقتالدى

20 قىركۇيەك 13:57
:ءبولىسۋ
حالىقارالىق «بولاشاق» ستيپەندياسىنىڭ يەگەرلەرى انىقتالدى

نۇر-سۇلتان. قازاقپارات- «بولاشاق» حالىقارالىق ستيپەندياسىنا يە بولعان ۇمىتكەرلەر ءتىزىمى جاريالاندى.

ول تۋرالى ق ر ءبىلىم جانە عىلىم ۆيتسە-ءمينيسترى ميراس داۋلەنوۆ ءوزىنىڭ Facebook-تەگى پاراقشاسىندا ءمالىم ەتتى، دەپ حابارلايدى قازاقپارات ءتىلشىسى.

ەڭ الدىمەن ۆيتسە-مينيستر حالىقارالىق ستيپەنديانى تاعايىنداۋدا ادىلدىك پەن اشىقتىق قامتاماسىز ەتۋ جولىندا جاسالعان باستى قادامدارعا توقتالىپ ءوتتى.

«ستيپەندياتتاردى ىرىكتەۋ پرەزيدەنتتىك جاستار كادرلىق رەزەرۆىنە ىرىكتەۋ ۇلگىسى بويىنشا تولىعىمەن اۆتوماتتاندىرىلعان. كونكۋرستىق ىرىكتەۋدىڭ ءار كەزەڭى پروكتورينگ جۇيەسى ارقىلى سيفرلاندىرىلعان جانە بەينەتىركەۋگە الىندى. ءبىز كەشەندى تەستىلەۋ مەن سۇحباتتاسۋ پروتسەسىن وتكىزۋ ءتاسىلىن ساپالى ەتىپ وزگەرتتىك. ۇمىتكەرلەر وقۋ ورنىنا ءوز بەتىمەن ءتۇسۋى ءتيىس، سوندىقتان پاندىك سۇراقتار قويىپ، تەكسەرۋدىڭ قاجەتى جوق. ونىڭ ورنىنا ءبىز ۇمىتكەرلەردىڭ تالداۋ، سىني ويلاۋ، فاكتىلەردى ءتۇسىندىرۋ داعدىلارىن جانە ەرەكشە جاعدايلاردا بەيىمدەلۋ قابىلەتتەرىن باعالاۋعا نازار اۋداردىق»، - دەدى م. داۋلەنوۆ.

ونىڭ ايتۋىنشا، رەسپۋبليكالىق كوميسسيانىڭ شەشىمىمەن «بولاشاق» ستيپەندياسى 106 ۇمىتكەرگە بەرىلدى.

«تاعى ءبىر باستى جاڭالىق، بارلىق ستيپەنديانتتىڭ ءبىلىم الۋ بارىسى بويىنشا مونيتورينگ حالىقارالىق باعدارلامالار ورتالىعىنىڭ جاڭا پورتالىندا سيفرلىق فورماتتا جۇزەگە اسىرىلاتىن بولادى.

ەندى ستيپەندياتتارعا جارتى جىلدا ءبىر رەت ترانسكريپتەردى سكانەرلەۋدىڭ، ەسەپتەر جازۋدىڭ جانە انىقتامالار جىبەرۋدىڭ قاجەتى جوق. بارلىق دەرەك بلوكچەين تەحنولوگياسىنا نەگىزدەلگەن جۇيەدە جينالادى. ال سول جۇيەدەگى كەز كەلگەن وزگەرىستەر اۆتوماتتى رەجيمدە تىركەلىپ، ساقتالادى. بۇل ستيپەنديانتتارعا قاتىستى اقپاراتتىڭ نەگىزسىز وزگەرۋىنە جول بەرمەيدى»، - دەيدى ول.

ستيپەندياتتاردىڭ تولىق تىزىمىمەن مىنا سىلتەمە ارقىلى تانىسۋعا بولادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات