كوروناۆيرۋس: يزرايلدە كارانتين، ە و ەلدەرىندەگى جاڭا شەكتەۋلەر پايدا بولدى

مادريد. قازاقپارات - ەۋروپا ەلدەرىندە كوروناۆيرۋس جۇقتىرعاندار سانى كۇن ساناپ ارتىپ جاتىر.

ۇكىمەت ينفەكتسيانىڭ تارالۋىمەن كۇرەس شارالارىن كۇشەيتىپ جاتىر، دەپ حابارلايدى قازاقپارات euronews اگەنتتىگىنە سىلتەمە جاساپ.

يسپانيادا COVID-19-دىڭ جاڭا تارالۋ ايماقتارى تىركەلىپ جاتىر. مادريد اۆتونومدى قوعامىنىڭ بيلىگى 37 ايماقتا ادامداردىڭ ءجۇرىپ-تۇرۋىنا شەكتەۋ قويدى. بۇل اۋداننىڭ %13 تۇرعىنىن قامتيدى.

«كورسەتىلگەن ايماق تۇرعىندارىنا اسا قاجەتتىلىك بولماسا اۋداننان كەتۋگە تىيىم سالىنادى. ادامدارعا مەديتسينالىق كەڭەس الۋ، جۇمىس نەمەسە وقۋعا قاتىستى كەلىسىمشارت مىندەتتەمەلەرى، قارت تۋىستارىنا قامقورلىق كورسەتۋ ءۇشىن عانا ۇيدەن شىعۋعا رۇقسات ەتىلگەن. اۋدانداردىڭ ىشىندە ءجۇرىپ-تۇرۋعا بولادى، ءبىراق التى ادامنان ارتىق توپتاسپاۋ كەرەك. ساياباق پەن باقتاردىڭ جۇمىسى ۋاقىتشا توقتاتىلادى»، - دەپ حابارلادى مادريد اۆتونومدى قوعامى ۇكىمەتىنىڭ باسشىسى يسابەل دياس ايۋسو.

فرانسيادا ءبىر تاۋلىكتە كوروناۆيرۋس جۇقتىرعاندار سانى 13215 كە جەتتى، بۇل كارانتين الىنعاننان كەيىنگى رەكوردتىق كورسەتكىش.

كەيىنگى 24 ساعاتتا COVID-19-دان 123 ناۋقاس قايتىس بولدى. قازىر نەگىزىنەن ۆيرۋس جۇقتىراتىن - جاستار. 75 جاستان اسقان ينفەكتسياعا شالدىققان ادامداردىڭ دا سانى ارتىپ جاتىر.

پورتۋگاليا پرەمەرى انتونيۋ كوشتانىڭ ايتۋىنشا، ەلدە ناۋقاستار سانى ارتىپ كەلەدى. كابينەت باسشىسى ەگەر وسى ءۇردىس ساقتالسا، كەلەسى اپتادا ەلدە كۇنىنە مىڭ جاڭا جۇقتىرۋ وقيعالارىنا دەيىن تىركەلۋى مۇمكىن ەكەنىن ايتتى.

كوشتا وتانداستارىن سانيتاريا ەرەجەلەرىن ساقتاۋعا شاقىردى. يزرايلدە روش حا-شاناعا (ەۆرەي جاڭا جىلى) بىرنەشە ساعات قالعاندا كەيىنگى ايلارداعى ەكىنشى قاتاڭ كارانتين ەنگىزىلدى. ول ءۇش اپتاعا سوزىلادى. جەرگىلىكتى ب ا ق- تىڭ حابارلاۋىنشا، يزرايل جاڭا كوروناۆيرۋس پاندەمياسى كەزىندە كارانتيندى قايتا ەنگىزىپ وتىرعان العاشقى ەل.