الەكسەي سوي الماتىداعى مەديتسينالىق مەكەمەلەردىڭ جۇمىسىمەن تانىستى

None
None
الماتى. قازاقپارات - ق ر دەنساۋلىق ساقتاۋ ءمينيسترى الەكسەي سوي جۇمىس ساپارىمەن الماتى قالاسىنا باردى.

ەكى كۇندىك ساپارى بارىسىندا مەديتسينالىق مەكەمەلەردى ارالاپ، مەديتسينا قاۋىمداستىعىمەن كەزدەسۋ وتكىزدى.

ەڭ اۋەلى «17№ قالالىق ەمحانا» م ك ك- دا بولدى. كوپبەيىندى ەمحانا 2010-جىلى سالىنعان بولاتىن. ءبىر اۋىسىمدا 630 ادامدى قابىلداۋعا قاۋقارلى جانە مەديتسينالىق قىزمەتتىڭ بىرنەشە ءتۇرى كورسەتىلەدى.

جول كارتاسى تاپسىرماسىن ورىنداۋ ماقساتىندا الماتى قالاسىنىڭ دسب شاھارداعى مەديتسينالىق مەكەمەلەردىڭ بارلىعىن جاڭعىرتۋدان وتكىزىپ، ءبىر ورتاعا بىرىكتىرۋدە. قازىرگى تاڭدا بۇل ەمحاناعا ونكولوگيالىق، فتيزياترلىق، ناركولوگيالىق جانە پسيحياتريالىق قىزمەتتەر ەنىپ وتىر.

حالىققا جوعارى قىزمەت كورسەتەتىن يننوۆاتسيالىق تەحنولوگيالار قولدانىلۋدا. 2011-جىلى العاش رەت «17№ قالالىق ەمحانا» «كەزەكسىز ەمحانا» تاجىريبەسىنەن ءوتتى. ياعني، الدىن الا جازىلۋ ارقىلى قابىلداۋدى باستادى.

ەمحانانىڭ ءاربىر قاباتىندا ەلەكروندى اقپاراتتاندىرۋ تاقتاسى ورناتىلعان. ناۋقاستار كەزەگىن، ۋاقىت جانە دارىگەرلەردىڭ جۇكتەمەسىن كورە الادى. e-gov پورتالى ارقىلى دا مەملەكەتتىك قىزمەتتەر ساپاسىن انىقتاۋعا بولادى. سونىمەن قاتار، ەمحانادا مۇمكىندىگى شەكتەۋلى جاندار ءۇشىن قولايلى جاعداي جاسالىپ جاتىر. سونداي-اق، مينيستر الەكسەي سوي «ۇلتتىق ساراپتاما» رەسپۋبليكالىق مەكەمەسىندە بولدى.

ۇ س و- نىڭ بارلىق ايماقتىق قامتيتىن فيليالدارى بار. نەگىزىنەن سانيتارلىق-ەپيدەميولوگيالىق ساراپتامالاردى جانە زەرتتەۋلەردىڭ ساپاسى مەن مەرزىمىن جەتىلدىرىپ جاتىر. قوعامدىق دەنساۋلىق ساقتاۋ جۇيەسى ءۇشىن ناقتى ناتيجەلەر ۇسىنادى.

ەپيدەمياعا قارسى الدىن الۋ شارالارىن جاساۋعا ۇلكەن سەپتىگىن تيگىزىپ وتىر. سونىمەن قاتار، مينيستر 500 توسەك-ورىنعا شاقتالىپ سالىنىپ جاتقان «ي. جەكەنوۆ اتىنداعى قالالىق ينفەكتسيالىق اۋرۋحانا» م ك ك قۇرىلىسىمەن تانىستى.

ايتا كەتەرلىگى، سوڭعى 7-ايدا الەمدىك تاجىريبەگە سۇيەنە وتىرىپ جاسالعان ترانسفورماتسيالاۋ قالانىڭ دەنساۋلىق سالاسىنا سونى سەرپىن بەرگەن. اتاپ ايتقاندا، ءولىم-ءجىتىم كورسەتكىشى ايتارلىقاي تومەندەگەن.

17- قىركۇيەكتەگى جاعداي بويىنشا قالادا 14328 ادام COVID-19 جۇقتىرعان. سوڭعى ءبىر تاۋلىكتە 3 جاڭا جاعداي تىركەلگەن. قازىرگى تاڭدا 13941 ادام جازىلىپ شىقتى نەمەسە %97,5. قايتىس بولعاندار سانى 270 ادام.

قالادا 6211 توسەك- ورنى جانە 250 رەانيماتسيالىق ورنى بار 27 كوۆيدتىك ەمحانا دايىندالعان. قازىرگى ۋاقىتتا 1923 توسەك-ورىنعا شاقتالعان 17 ەمحانا جۇمىس ىستەپ تۇر. 4288 ورىن رەزەرۆتە تۇر.

سوڭعى جاڭالىقتار