20:55, 18 - قىركۇيەك 2020 | GMT +6
الەكسەي سويدىڭ د د س ۇ كوميتەتىندەگى ءتوراعالىعى قازاقستانعا قانداي ناتيجە بەرەدى؟
نۇر-سۇلتان. قازاقپارات - ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ق ر دەنساۋلىق ساقتاۋ ءمينيسترى الەكسەي سويدىڭ د د س ۇ ەۋروپالىق وڭىرلىك كوميتەتىندەگى ءتوراعالىعى قانداي ناتيجە بەرەتىنىن ايتتى، دەپ حابارلايدى قازاقپارات ءتىلشىسى.
بۇدان بۇرىن حابارلانعانداي ، ق ر دەنساۋلىق ساقتاۋ ءمينيسترى الەكسەي سوي د د س ۇ ەۋروپالىق وڭىرلىك كوميتەتىنىڭ 70-سەسسياسىنىڭ ءتوراعاسى بولىپ سايلاندى.
«الەكسەي سويدىڭ ءتوراعا بولىپ سايلانۋىنا توقتالساق، ول جوعارى مارتەبە بولىپ سانالادى. داۋىس بەرۋ ءتارتىبى قۇپيا ءوتتى. بۇل ءوز كەزەگىندە ءمينيستردىڭ ەۋروپا مەن ازيا وڭىرىندەگى ارىپتەستەرى اراسىندا ايتارلىقتاي جوعارى بەدەلگە يە ەكەنىن بىلدىرەدى... قازاقستان ەمدەۋدىڭ جاڭا ادىستەرىنىڭ كوزى بولۋى مۇمكىن، سونداي-اق مەديتسينا سالاسىندا يننوۆاتسيالىق شەشىمدەردىڭ الدىنا شىعۋى ىقتيمال»، - دەدى رەسمي وكىل ورتالىق كوممۋنيكاتسيالار قىزمەتىندە.
سونىمەن قاتار ول ەلىمىزدە حالىقارالىق دەڭگەيدەگى ءتۇرلى كەڭەستەر مەن كەزدەسۋلەر وتەتىنىن اتاپ ءوتتى.