ۇيعىر اۋداندىق سوتىنىڭ سۋديالارى پارا الۋ كۇدىگىنە ىلىكتى
«الماتى وبلىسى بويىنشا سىبايلاس جەمقورلىققا قارسى قىزمەت ۇيعىر اۋداندىق سوتىنىڭ سۋدياسىنا قاتىستى اسا اۋىر سىبايلاس جەمقورلىق قىلمىس جاساعانى ءۇشىن سوتقا دەيىنگى تەرگەۋدى باستادى. ول جەكە تۇلعادان سوت اكتىسىن ونىڭ پايداسىنا شىعارعانى ءۇشىن اسا ءىرى مولشەردە پارا الۋ كۇدىگىنە ءىلىندى»، - دەپ حابارلادى سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتىنىڭ اعا تەرگەۋشىسى دانيار بەكايداروۆ ونلاين باسپا ءسوز ءماسليحاتىندا.
اگەنتتىك وكىلى سول سەكىلدى قىزىلوردا وبلىسى بويىنشا سىبايلاس جەمقورلىققا قارسى قىزمەت شيەلى اۋداندىق سوتىنىڭ سۋدياسىنا قاتىستى اۋىر سىبايلاس جەمقورلىق قىلمىس جاساعانى ءۇشىن سوتقا دەيىنگى تەرگەۋگە تارتىلعانىن ءمالىم ەتتى.
«ول رەسمي قۇجاتتارعا جالعان مالىمەتتەر ەنگىزۋ ارقىلى بىرنەشە ازاماتتىق ءىس بويىنشا قاساقانا ادىلەتسىز ۇكىم شىعارۋ كۇدىگىنە ءىلىندى. اتالعان فاكتى بويىنشا تەرگەۋ جالعاسۋدا. وزگە اقپارات تەرگەۋ مۇددەسىنە سايكەس جاريا ەتۋگە جاتپايدى»، - دەدى ول.
اۆتور: ايان بەكەن ۇلى