+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

باس ءمۇفتي ناۋرىزباي قاجى تاعان ۇلى دارىگەر جاسان زەكەي ۇلىن قابىلدادى

18 قىركۇيەك 17:04
:ءبولىسۋ
باس ءمۇفتي ناۋرىزباي قاجى تاعان ۇلى دارىگەر جاسان زەكەي ۇلىن قابىلدادى

نۇر- سۇلتان. قازاقپارات - قازاقستان مۇسىلماندارى ءدىني باسقارماسىنىڭ «30 جىلدىق مەرەيتويعا - 30 يگى شارا» اياسىندا جەر- جەردە قايىرىمدىلىق جۇمىستارى جالعاسۋدا، دەپ حابارلايدى قازاقپارات ءتىلشىسى.

ق م د ب باسپا ءسوز قىزمەتىنىڭ مالىمەتىنشە، ەلوردادا باس ءمۇفتي ناۋرىزباي قاجى تاعان ۇلى حالىقارالىق «جاس- اي» مەديتسينا ورتالىعىنىڭ باس ديرەكتورى ءارى باس دارىگەر جاسان زەكەي ۇلىن قابىلدادى. كەزدەسۋدە حالىقتىڭ ءتانى مەن جانىن ەمدەۋدىڭ ماڭىزدىلىعى، ساۋاپتى شارالارعا ۇلەس قوسۋدىڭ ءمانى تۋرالى ءسوز بولدى.

«ارداقتى پايعامبارىمىز (وعان اللانىڭ سالاۋاتى مەن سالەمى بولسىن): «ارالارىڭدا ەڭ جاقسىلارىڭ - اينالاسىنا پايدالى بولعاندارىڭ» دەگەن. حالىقتى ەمدەۋ ىسىندە كوپ جۇمىس اتقارىپ كەلەسىزدەر. حالىققا قىزمەت ەتۋدەن اسقان عازيز نارسە جوق. اللا تاعالا ەل يگىلىگى جولىنداعى ىستەرىڭىزگە مول ساۋاپتان جازسىن»، - دەپ اتاپ ءوتتى باس ءمۇفتي.

ءوز كەزەگىندە جاسان زەكەي ۇلى: «مەديتسينانىڭ نەگىزىن قالاعان، الەمگە ءماشھۇر مۇسىلمان عۇلاماسى ءابۋ ءالي يبن سينا بابامىز: «اۋرۋدى ەمدەۋدەگى دارىگەردىڭ ءۇش قۇرالى بولادى. ول - جىلى ءسوز، ءشوپ جانە دارىگەر قانداۋىرى» دەگەن ەكەن. سىزدەر حالىقتىڭ رۋحىن ەمدەپ جۇرسەڭىزدەر، ءبىز، دارىگەرلەر ازاماتتارىمىزدىڭ ءتانى مەن جانىنا شيپا ىزدەيمىز. سوندىقتان ءبىزدىڭ ماقساتىمىز ءبىر. بىرلەسىپ اتقاراتىن ءىسىمىز كوپ»، - دەدى.

كەزدەسۋدە قازاقستان مۇسىلماندارى ءدىني باسقارماسىنىڭ «30 جىلدىق مەرەيتويعا - 30 يگى شارا» اياسىندا 30 ادامعا تەگىن ەم- دوم جاساۋ جۇمىسى جان- جاقتى تالقىلاندى. حالىقارالىق «جاس- اي» مەديتسينا ورتالىعىنىڭ باس ديرەكتورى جاسان زەكەي ۇلى بۇل باستاماعا قولداۋ كورسەتەتىنىن مالىمدەپ، ءمۇفتياتتىڭ نۇسقاماسىمەن نۇر- سۇلتان، الماتى، شىمكەنت قالالارىنان اي سايىن 10 ادامدى، بارلىعى 30 ازاماتتى تەگىن ەمدەۋگە ۋادە بەردى. تاراپتار وسى باستاما اياسىندا ورتاق يگى جوبالاردى جۇزەگە اسىرۋعا ۋاعدالاستى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات