كوزىلدىرىك تاققاندار كوروناۆيرۋستى بەس ەسە سيرەك جۇقتىراتىن بولىپ شىقتى
بۇل تۋرالى gazeta.ru سايتى حابارلايدى.
نانچان ۋنيۆەرسيتەتىنىڭ عالىمدارى كوزىلدىرىك تاعاتىن ادامداردىڭ كوروناۆيرۋسقا الدەقايدا سيرەك شالدىعاتىنىن انىقتادى. بەلگىلى بولعانداي، كوزىلدىرىك ادامداردىڭ كوزىن ۋقالاۋىنا كەدەرگى كەلتىرەدى. ناتيجەسىندە كوز ارقىلى دەرتتى جۇقتىرۋ قاۋپى ازايادى ەكەن. زەرتتەۋدىڭ ناتيجەلەرى JAMA Ophthalmology جۋرنالىندا جاريا بولدى.
«قىتاي ەلىنىڭ %80 دان استامىنىڭ كورۋ قابىلەتى ناشار. سول سەبەپتى، ەلدە كوزىلدىرىك تاعۋ جايتى ءجيى كەزدەسەدى. وسى ورايدا، ۋحاندا 2019 -جىلدىڭ جەلتوقسانىندا COVID-19 دەرتى ورشىگەننەن كەيىن ءبىز ەمحانالاردا كوزىلدىرىك كيگەن ناۋقاستار وتە از ەكەنىن بايقادىق»، - دەيدى زەرتتەۋ اۆتورلارى.
عالىمدار كوروناۆيرۋس جۇقتىرعان 276 ناۋقاسقا زەرتتەۋ جۇرگىزەدى. ولاردىڭ 30 ى (%10,9) - كوزىلدىرىكتى ناۋقاستار. 16 ادام (%5,8) تاۋلىگىنە 8 ساعاتتان استام ۋاقىت كوزىلدىرىگىن شەشپەگەن. ماماندار كوروناۆيرۋس جۇقتىرعانداردىڭ قاتارىندا كوزىلدىرىك تاققاندار 5,4 ەسە سيرەك كەزدەسەتىنىن بايقاعان.
«ءبىز كەلەسىدەي توقتامعا كەلدىك: كوزىلدىرىكتى ۇزاق تاعاتىندار اراسىندا COVID-19 جۇقتىرعاندار وتە سيرەك كەزدەسەدى. بۇل ولاردىڭ COVID-19-عا سيرەك شالدىعاتىنىن اڭداتادى»، - دەيدى زەرتتەۋشىلەر. عالىمدار تەك بەتپەردەگە ءمان بەرەتىن تۇرعىنداردىڭ كوز قورعانىسىنا ايتارلىقتاي باس قاتىرمايتىنىن ايتۋدا. ولار كوپشىلىككە كوزدى بارىنشا ۋقالاماي جۇرۋگە تىرىسۋ كەرەكتىگىن ەسكەرتىپ وتىر.
سەبەبى، كوز دە ۆيرۋس جۇقتىرۋدىڭ باستى كانالدارىنىڭ ءبىرى دەيدى ولار.