+7 (701) 759 90 19
5 °С : نۇر-سۇلتان
7 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

قازاقستاندىقتار ساتىلعان كولىكتى كوبىنەسە تىركەۋ ەسەبىنەن نەگە شىعارمايدى

18 قىركۇيەك 13:46
:ءبولىسۋ
قازاقستاندىقتار ساتىلعان كولىكتى كوبىنەسە تىركەۋ ەسەبىنەن نەگە شىعارمايدى

نۇر-سۇلتان. قازاقپارات - قازىرگى ۋاقىتتا سالىق ورگاندارىنا كولىك قۇرالدارىنىڭ قارىزى تۋرالى حابارلاما العان اۆتوكولىك يەلەرىنەن كوپتەگەن شاعىمدار كەلىپ تۇسۋدە.

ولاردىڭ ايتۋىنشا، بۇل كولىك قۇرالدارى بىرنەشە جىل بۇرىن ساتىلعان، يەلىكتەن شىعارىلعان نەمەسە جويىلعان، ونىڭ ىشىندە 2020 -جىلى ساتىلعان كولىك قۇرالدارى دا بار، دەپ حابارلايدى قازاقپارات ءتىلشىسى.

مەملەكەتتىك كىرىستەر كوميتەتىنىڭ مالىمەتىنشە، كەلىپ تۇسكەن شاعىمداردىڭ تالداۋى ساتىلعان كولىك قۇرالدارى كوبىنەسە ۋاكىلەتتى ورگاننىڭ تىركەۋ ەسەبىنەن شىعارىلماعان نەمەسە قايتا رەسىمدەلمەگەنىن كورسەتكەن.

بۇل رەتتە، اتالعان كولىك قۇرالىنا سالىق تولەۋ بويىنشا مىندەتتەمە سالىق زاڭناماسى بويىنشا وسى ازاماتتاردا قالادى. ايتا كەتۋ كەرەك، جەكە تۇلعالار سالىق كەزەڭى ءۇشىن سالىق سوماسىن دەربەس ەسەپتەيدى جانە سالىقتى سالىق كەزەڭىنىڭ 31-جەلتوقسانىنان كەشىكتىرمەي تولەيدى. كولىك قۇرالدارىنا سالىقتى دەربەس ەسەپتەۋ ءۇشىن مەملەكەتتىك كىرىسىتەر ورگاندارىنىڭ پورتالىندا ىڭعايلى جانە پايدالانۋعا وڭاي «سالىق كالكۋلياتورى» ارنايى سەرۆيسى بار.

سالىق ورگاندارى سالىق زاڭناماسىنىڭ نورمالارىنا سايكەس كولىك قۇرالدارىنا سالىقتى 2019 -جىل ءۇشىن 2020 -جىلى، 2020 -جىل ءۇشىن 2021 -جىلى ۋاكىلەتتى ورگاننىڭ مالىمەتتەرى نەگىزىندە ەسەپتەيدى. بۇل رەتتە، اعىمداعى جىلدىڭ ناۋرىز ايىندا ەلىمىزدە قالىپتاسقان ەپيدەميولوگيالىق جاعدايعا بايلانىستى سالىق ورگاندارىندا ازاماتتاردىڭ جاپپاي جينالۋىن بولدىرماۋ ءۇشىن سالىق بەرەشەگىن ءوندىرىپ الۋ شارالارى توقتاتىلدى.

قازىرگى ۋاقىتتا ەلدەگى جاعدايدىڭ تۇراقتانۋىنا جانە كارانتين رەجيمىنىڭ جەڭىلدەتىلۋىنە بايلانىستى سالىق ورگاندارى 2019 -جىلعا جانە وتكەن كەزەڭدەرگە، ونىڭ ىشىندە 2020 -جىلى ساتىلعان كولىك قۇرالدارى بويىنشا، سالىق بەرەشەگى تۋرالى حابارلامانى ازاماتتارعا جاپپاي تاراتۋ جۇرگىزىلدى. وسىعان بايلانىستى، كولىك قۇرالدارىن 2019 -جىلعا جانە وتكەن كەزەڭدەرگە سالىق بەرەشەگىن تولەمەي ساتقان يەلەرىنە سالىق بەرەشەگى تۋرالى حابارلاما جىبەرىلدى.

بۇل رەتتە، ەگەر كولىك قۇرالى مەنشىگىندە بولماسا قاتە مالىمەتتەردى جەدەل تۇزەتۋ ءۇشىن «App Store « جانە «Play Market» - تەن جۇكتەۋگە بولاتىن «e-Salyq « موبيلدىك قوسىمشاسىندا تۇزەتۋ سەرۆيسى ازىرلەندى. ونىڭ كومەگىمەن ازاماتتار كولىك قۇرالىن ەسەپتەن شىعارۋ نەمەسە اقپاراتتى تۇزەتۋ ءۇشىن ۋاكىلەتتى ورگانعا جۇگىنە الادى. ەگەر ءوتىنىش بەرىلگەننەن كەيىن ۋاكىلەتتى ورگاننىڭ دەرەكتەر بازاسىنا تۇزەتۋلەر ەنگىزسە، سالىق ورگانى سالىقتى قايتا ەسەپتەۋدى جۇرگىزەتىنىنە نازار اۋدارامىز.

اۆتور: گۇلزات اقجولوۆا



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات