07:44, 18 - قىركۇيەك 2020 | GMT +6
قازاقستاندىقتاردان اقشا جيناعان قور پوليتسيا قۇرىعىنا ءىلىندى
نۇر-سۇلتان. قازاقپارات - قازاقستاندىقتار تۇرعىن ۇيگە ينۆەستيتسيا سالۋ ءۇشىن اقشا العان كورپوراتيۆتىك قورعا شاعىمداندى. بۇل تۋرالى نۇر- سۇلتان پوليتسيا دەپارتامەنتىنىڭ باسپا ءسوز قىزمەتى حابارلايدى.
«7 - قىركۇيەكتە ەسىل اۋدانىنىڭ پوليتسيا باسقارماسىنا «Otbasy men jastardy Koldau kory« كورپوراتيۆتىك قورى تاراپىنان الاياقتىق فاكتىسى بويىنشا ەلوردا تۇرعىندارى ۇجىمدىق وتىنىشپەن جۇگىندى. قور تۇرعىن ءۇي ساتىپ الۋ ءۇشىن ءتيىمدى ينۆەستيتسيالاۋ ماقساتىندا حالىقتان اقشا الىپ جانە كەيىننەن ايتقاندارىنان ورىنداماعان»، - دەلىنگەن پوليتسيا حابارلاماسىندا.
اتالعان فاكتى بويىنشا قىلمىستىق كودەكستىڭ 190-بابىنىڭ 3-بولىگى «ەكى جانە ودان دا كوپ ادامعا قاتىستى ءىرى مولشەردە جاسالعان الاياقتىق» بويىنشا سوتقا دەيىنگى تەرگەۋ جۇرگىزىلۋدە. تەكسەرۋ جۇرگىزىلەدى.