قازاقستاندىق ماماندار اقىلدى باعدارلاما ويلاپ تاپتى

None
None
نۇر-سۇلتان. قازاقپارات - مارعۇلاننىڭ جوباسى وتە قىزىق. انىعىراق ايتساق، ۇيدە وتىرىپ سىناق تاپسىرعان ستۋدەنت كوشىرسە نەمەسە الاياقتىق جاساسا، اقىلدى پلاتفورما جۇيەسى تەز انىقتايدى.

ال سىناق تاپسىرۋشىنىڭ ورنىنا باسقا ادام وتىرسا، قىزىل تۇسپەن دابىل بەلگىسىن قوسادى. جوبا اۆتورلارى 4 وقۋ ورنىمەن كەلىسىم جاساپ، سىناقتى ادال تاپسىرماعان 300 ستۋدەنتتى انىقتاعان.

مارعۇلان ەرمەك، KDA اكسەلەراتسيالىق باعدارلاماسىنا قاتىسۋشى:

- ۆەب- سايت جانە قۇجاتتاردىڭ اشىلۋىن، باسقا ادامداردىڭ وتىرعانىن، باسىن بۇرعانىن، جۇمىس ورنىنان كەتكەنىن، سويلەگەنىن جانە ت. ب. ەسەپتەردى كورە الامىز. ءبىز نارىقتاعى جەڭىل، ءارى ارزان جۇيەنى ۇسىنىپ جاتىرمىز.

اكسەلەراتسيالىق باعدارلاما مارعۇلان سياقتى جاستاردىڭ حالىقارالىق نارىققا شىعىپ، ءوز ءونىمىن ۇسىنۋىنا مۇمكىندىك جاسايدى. مىسالى، ءتىل ۇيرەتۋ، ساۋدا جانە ءبىلىم بەرۋ پلاتفورمالارى سۇرانىسقا يە. حولدينگ باسشىلارىنىڭ ايتۋىنشا، زاماناۋي ويلايتىن ءبىلىمدى جاستاردان IT- جوبالار كوپ تۇسكەن. 178 وتىنىمنەن 10 جوبا تاڭدالىپ، ىسكە اسىپ جاتىر.

ءادىل نۇرعوجين، «بايتەرەك» ۇ ب ح باسقارۋشى ديرەكتورى:

- ءبىزدىڭ سينگاپۋرلىق سەرىكتەس 3 جىل ىشىندە باعدارلاماعا 2 ميلليون دوللار ينۆەستيتسيا سالۋدا. جاقىن ارادا ءبىز KDA قاتىساتىن ستارتاپتاردى استانا حالىقارالىق قارجى ورتالىعىنا تىركەۋدى جوسپارلاپ وتىرمىز. اكسەلەراتسيالىق باعدارلاماعا قاتىسۋشىلار 50 مىڭ ا ق ش دوللارى كولەمىندە ينۆەستيتسيا الادى. حولدينگ قازىر ا ق ش پەن سينگاپۋرداعى 2 ءىرى ينۆەستيتسيالىق ۆەنچۋرلىق كومپانيامەن جۇمىس ىستەيدى. نەگىزگى ماقسات - قازاقستاندىق ستارتاپتى ناسيحاتتاۋ. ال جوبا جەتەكشىلەرى حالىقارالىق ساراپشىلاردان ءبىلىم الادى.

www.24.kz

سوڭعى جاڭالىقتار