گرەكيادا لاگەردى ورتەگەن كۇدىكتىلەر ۇستالدى

None
None
نۇر-سۇلتان. قازاقپارات - جۋىردا لەسبوس ارالىنداعى ميگرانتتاردىڭ لاگەرىنە ءورت قويعان 4 كۇدىكتى ۇستالدى، دەپ حابارلايدى «حابار 24».

اقپارات كوزدەرىنىڭ حابارلاۋىنشا، قامالعاندار - اۋعان ەلىنىڭ ازاماتتارى. قازىر ولارعا قاتىستى قىلمىستىق ءىز قوزعالدى. ميگراتسيالىق داعدارىس ەۋروپانىڭ باس اۋرۋىنا اينالدى ميگراتسيالىق داعدارىس ەۋرووداق ەلدەرىنىڭ باس اۋرۋىنا اينالدى. گرەكيانىڭ لەسبوس ارالىندا باسپاناسىز قالعان 12 مىڭنان استام بوسقىنعا جاڭا لاگەر سالىنعانمەن، كەلىمسەكتەردىڭ كوبى وعان كوشۋدەن باس تارتتى. سەبەبى وندا تۇرۋ ءۇشىن ءتيىستى جاعداي جاسالماعان. سالدارىنان زاڭسىز ميگرانتتار نارازىلىق اكتسياسىن ۇيىمداستىرىپ جاتىر. ايماقتاعى ۋشىققان جاعدايعا ەۋرووداق وكىلدەرى مەن ب ۇ ۇ ارالاسا باستادى. سوندا باس ساۋعالاپ جۇرگەن ميگرانتتاردى ەۋرووداق ەلدەرى قابىلداۋدان باس تارتىپ وتىرعانى عوي. ازىرگە تەك گەرمانيا عانا 1500 دەن استام ميگرانتتى ءوز اۋماعىنا كىرگىزۋگە كەلىسىمىن بەرىپ وتىر. گرەكيانىڭ لەسبوس ارالىندا ميگرانتتاردىڭ لاگەرى ورتەنگەننەن كەيىن 12 مىڭنان استام ادام دالادا قالدى. ادامدار ءبىر اپتا بويى اشىق اسپان استىندا تۇنەۋگە ءماجبۇر.

جەرگىلىكتى بيلىك بوسقىندار ءۇشىن جاڭا لاگەر سالعانىمەن، تەك 800 ميگرانت قانا قونىس اۋدارۋعا كەلىسىمىن بەردى. قالعاندارى كوشۋدەن باس تارتىپ وتىر. ءتىپتى نارازىلىق تانىتىپ، ەرەۋىلگە شىققاندار دا بار. اشۋعا بوي الدىرعاندار ءتارتىپ ساقشىلارىنىڭ وزبىرلىعىنا شاعىمدانىپ، ايماقتا تۇرۋ ءۇشىن ەش جاعداي جاسالماعانىن العا تارتادى. تارتىپسىزدىككە بارعان بىرنەشە ادام قاماۋعا الىندى. ولاردىڭ اراسىندا كامەلەت جاسقا تولماعاندار دا بار. گرەكيا تۇرعىندارى ەرەۋىلگە شىقتى ميگرانتتاردىڭ احۋالىنا بەيجاي قاراماعان گرەكيا تۇرعىندارى دا ەرەۋىلدەتىپ جاتىر. ميتيليني قالاسىندا جينالعان جۇرت بيلىكتەن ميگرانتتاردى ارالدا ۇستاماۋدى تالاپ ەتتى. جينالعانداردىڭ ايتۋىنشا، باسپاناسىز جۇرگەندەر شۇعىل قاۋىپسىز جەرگە ەۆاكۋاتسيالانۋى كەرەك. «قاجەت بولسا، چارتەرلىك كەمەمەن ميگرانتتاردى قۇرلىققا جەتكىزسىن»، - دەيدى ولار.

«بيلىكتىڭ ميگرانتتارمەن ويىن ويناماۋىن تالاپ ەتەمىز. ءبىزدى دە اقىماق قىلىپ وتىر. ولاردى شۇعىل تۇردە ارالدان قۇرلىققا ەۆاكۋاتسيالاۋ كەرەك. ءبىز ميگرانتتاردىڭ جاعدايىنا بەيجاي قاراي المايمىز. شەنەۋنىكتەردىڭ قۇرعاق ۋادەسىنە تويدىق. بارلىق ادامنىڭ قۇقىعى قورعالۋ كەرەك».

«ميگرانتتار مەن بوسقىنداردى جىبەرۋىن سۇرايمىز. ولاردى كەمەمەن گرەكياعا جەتكىزۋ كەرەك. موريا لاگەرىندە تۇراتىن جاعداي جوق. بۇل سۇمدىقتى كورىپ قاشانعى شىداپ وتىرا بەرەمىز».

گرەكيا ميگراتسيالىق داعدارىس بويىنشا ەۋرووداقتان كومەك سۇرادى گرەكيا پرەمەر- ءمينيسترى ايماقتاعى ۋشىققان ميگراتسيالىق ماسەلەنى شەشۋ ءۇشىن ەۋرووداقتان كومەك سۇراۋدا. ال ولار كارى قۇرلىققا تابان تىرەگەن بوسقىنداردىڭ قاپتاپ كەتۋىنە تۇركيا ەلىن كىنالاپ وتىر. ماسەلەن، ءوز ەلىنەن باس ساۋعالاپ قاشقاندار الدىمەن تۇركيا شەكاراسىنان ءوتۋى ءتيىس. وسىعان وراي ەۋرووداق تۇركياعا سانكتسيا سالۋ ماسەلەسىن دە العا تارتتى. ال بوسقىنداردى جاڭا لاگەرگە كوشىرۋ جۇمىسىنا ب ۇ ۇ- نىڭ بوسقىندار ماسەلەسى جونىندەگى اگەنتتىگى دە جۇمىلدىرىلدى.

كيرياكوس ميتسوتاكيس، گرەكيا پرەمەر- ءمينيسترى:

- «موريا» لاگەرى ەندى بولمايدى. ميگرانتتاردىڭ ماسەلەسىن ەۋرووداق ەلدەرىمەن بىرلەسە شەشۋىمىز كەرەك. جاڭا لاگەردىڭ قۇرىلىسىنا دا وزگە تاراپتاردىڭ اتسالىسقانى دۇرىس. جاعدايدىڭ رەتتەلۋى تۇركياعا دا بايلانىستى. ءبىز ەكى جاقتى كەلىسسوزدەردى باستاۋعا دايىنبىز.

فيليپپ لەكلەرك، ب ۇ ۇ وكىلى:

- جاڭا لاگەرگە كوشىرۋ شاراسى بەيبىت تۇردە ءوتۋ كەرەك. ءتارتىپ ساقشىلارىنىڭ وزبىرلىعىنا جول بەرىلمەۋى ءتيىس. ميگرانتتاردى لەسبوس ارالىنان وزگە مەملەكەتتەرگە بىرتىندەپ شىعارۋ كەرەك. جاعدايدى باقىلاۋدا ۇستاماساق، بۇل جەرگە دە شامادان تىس كىرمەلەر قونىستانۋى مۇمكىن. بارلىعىنا ءتيىستى كومەك قورسەتۋ قاجەت. سوندىقتان ميگرانتتارعا گۋمانيتارلىق كومەك كورسەتۋگە شاقىرامىن. اۆستريا گرەكياعا گۋمانيتارلىق كومەك كورسەتتى جۋىردا سلوۆەنيا، كەيىن اۆستريا بيلىگى گرەكياعا جاردەمدەسۋ ماقساتىندا 55 توننا گۋمانيتارلىق كومەك جەتكىزدى. افيناعا ۇشاقپەن جەتكەن جۇكتە جىلۋدى ساقتايتىن شاتىرلار مەن توسەك ورىندار بار. ال گەرمانيا بيلىگى 1553 ميگرانتتى ءوز ەلىنە كىرگىزۋ تۋرالى شەشىم قابىلدادى. گەرمانيا 1500 ميگرانتتى قابىلدايدى.

ولاف شولتس، گەرمانيانىڭ ۆيتسە- كانتسلەرى:

- لەسبوستا زارداپ شەككەن 1500 ميگرانتتى ءوز ەلىمىزگە قابىلداۋعا دايىنبىز. ولاردىڭ اراسىندا ۇلكەندەردىڭ قاراۋىنسىز قالعان بالالار دا بار. كىرمەلەرگە جاعداي جاساۋ ءۇشىن ءتيىستى شارالار پىسىقتالىپ جاتىر.


سوڭعى جاڭالىقتار