الماتى وبلىسىندا جەر الىپ بەرەمىن دەپ تالايدى سان سوقتىرعان الاياق ۇستالدى

None
None
تالدىقورعان. قازاقپارات - الماتى وبلىسىنىڭ پوليتسەيلەرى جەر الىپ بەرەم دەپ سان سوقتىرىپ كەتكەن كۇدىكتىنى ۇستادى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جاقىندا پانفيلوۆ اۋدانى پوليتسەيلەرىنە بەلگىسىز ايەلدىڭ جىمىسقى ارەكەتتەرىنەن زارداپ شەككەن ءۇش ازامات ارىزدانعان. ولاردىڭ ەكەۋى پانفيلوۆ اۋدانىنىڭ جانە بىرەۋى الماتى قالاسىنىڭ تۇرعىنى. جاركەنت قالاسىنان جەر ۋچاسكەلەرىن مەنشىككە الىپ بەرۋگە ۋادە بەرگەن كۇدىكتى 2015 -جىلى ءوز قۇرباندارىنان قوماقتى سومانى العان. دەگەنمەن، الاياق ايەل وتىرىككە تولى ۋادەدەلەرىن ورىنداماعان جانە ونى ورىنداۋعا تىرىسپاعان دا. زارداپ شەگۋشىلەردەن العان اقشانى ءوز قاجەتتىلىگىنە جۇمساپ، جەر سيپاپ قالعان الدانۋشىلاردان مۇمكىندىگىنشە بوي تاسالاپ جۇرگەن.

اتالعان دەرەكتەر بويىنشا ق ر قىلمىستىق كودەكسىنىڭ 190-بابىنا سايكەس سوتقا دەيىنگى تەرگەۋ امالدارى جۇرگىزىلىپ جاتىر. جەدەل ىزدەستىرۋ شارالارى بارىسىندا پوليتسيا قىزمەتكەرلەرى قىلمىسقا قاتىسى بار دەگەن كۇدىكپەن كوكتال اۋىلىنىڭ 35 جاستاعى تۇرعىنىن قولعا ءتۇسىردى. ۇستالعان ايەلدىڭ بۇعان دەيىن دە قىلمىستىق تاجىريبەسى بار ەكەنى بەلگىلى بولدى. قازىرگى ۋاقىتتا پوليتسيا قىزمەتكەرلەرى جالعان ءسوز بەن جىمىسقى ارەكەتتەر شەبەرىنەن زارداپ شەككەن باسقا دا ازاماتتاردى انىقتاۋ بويىنشا جۇمىس جۇرگىزۋدە.


سوڭعى جاڭالىقتار