+7 (701) 759 90 19
10 °С : نۇر-سۇلتان
23 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

سيىر ەتىن تۇتىنۋعا زاڭ جۇزىندە تىيىم سالىناتىن بولدى

17 قىركۇيەك 14:39
:ءبولىسۋ
سيىر ەتىن تۇتىنۋعا زاڭ جۇزىندە تىيىم سالىناتىن بولدى

نۇر-سۇلتان. قازاقپارات - وزدەرىڭىز بىلەتىندەي، سيىرعا سيىناتىن ءۇندىستاندا ءىرى قارانى سويۋعا، ۇرىپ-سوعۋعا، ەتىن جەۋگە، ت. ب. قاتاڭ تىيىم سالىنعان.

دالىرەگى، ءۇندىستاننىڭ كەرالى، گوا، باتىس بەنگاليا جانە اتالعان ەلدىڭ سولتۇستىگىندە ورىن تەپكەن كەي شتاتتاردان بولەك قالعان شتاتتاردا سيىر ەتىن تۇتىنۋعا زاڭمەن تىيىم سالىنعان. جەرگىلىكتى حالىق قاسيەتتى سانايتىندىقتان. وسى ەلدەگى ازشىلىقتى قۇرايدى دەگەنىمەن سانى جاعىنان كوپتەگەن يسلام ەلىندەگى مۇسىلمانداردان قاراسى كوپ ءۇندى مۇسىلماندارىنىڭ قۇقىعى وسىلايشا ەسكەرۋسىز قالىپ وتىر.

دەسە دە بۇل باعىتتا ينتەرنەتتەگى جاريالانعان دەرەكتەر كوپ جاڭارتىلماعانىن ايتا كەتۋ كەرەك: 2016 -جىلى ا ق ش-تىڭ اۋىل شارۋاشىلىق مينيسترلىگىنىڭ شولۋىندا كەلتىرىلگەن مالىمەتكە قاراعاندا، ءۇندىستان سوڭعى جىلدارى سيىر ەتىن ەكسپورتتاۋ بويىنشا جەتەكشى ەلدەردىڭ بىرىنە اينالىپ كەلەدى - سۋ ەنەكەسىنىڭ ەتىنىڭ ەسەبىنەن سيىر ەتىنىڭ الەمدىك ساۋدا اينالىمىنىڭ %20 ى ءۇندىستان ۇلەسىندە بولىپ شىقتى. ال 2012 -جىلى سيىر ەتىن وندىرۋدە جانە سيىر ەتىن تۇتىنۋدا الەمدە بەسىنشى ورىننان كورىنگەن. تاياۋدا شري- لانكانىڭ بيلىك باسىنداعى پودۋدجانا پەرامۋنا پارتياسى سيىر سويۋعا مەملەكەت دەڭگەيىندە تىيىم سالۋ تۋراسىندا ۇسىنىس ءبىلدىردى.

بۇل جايىندا islam.kz پورتالى WioNews اقپارات كوزىنە سىلتەمە جاساي وتىرىپ ءمالىم ەتەدى. وسىناۋ ارال مەملەكەتتەگى مۇسىلماندارعا قارسى ۇلتشىل پارتيانىڭ كەزەكتى «جورىعى» رەتىندە باعالانعان بۇل باستاما پارلامەنتتە دە ماقۇلدانىپ وتىر.

بۇدان بولەك، اتالعان ەل بيلىگى سيىر ەتىن سىرتتان تاسىمالداۋعا دا، ياعني، يمپورتتاۋعا دا تىيىم سالۋدى قاراستىرىپ وتىر. ايتا كەتەيىك، بۇگىندە شري-لانكا تۇرعىندارىنىڭ جان باسىنا شاققاندا جىلىنا 1,8 كەلى سيىر ەتىنەن اينالادى ەكەن.

ال تاۋىق ەتى بويىنشا بۇل كورسەتكىش 7,9 كەلىنى قۇراپ وتىر. وسى ەلدەگى سينگالدىق بۋدداشىلار تالاي جىل بويى سيىر ەتىن تۇتىنۋعا جالپى ۇلتتىق تىيىم سالۋدى باستاما ەتىپ كوتەرىپ كەلەدى.

islam.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات