لۋكاشەنكو باتىستىڭ بەلارۋستى جوياتىن جوسپارىنىڭ جەتى كەزەڭىن اتادى
لۋكاشەنكونىڭ ايتۋىنشا، سوڭعى ون جىل ىشىندە سىرتقى اگرەسسورلار قازىرگى «چ» ۋاقىتىنا دايىندالعان.
«بىردەن ماسكاسىن شەشۋ ءۇشىن ويىنشىلاردىڭ اتىن ايتايىق. ەڭ الدىمەن بۇل - ا ق ش، ناقتىراق ايتساق - ولاردىڭ دەموكراتيا دەپ اتالاتىن قور جەلىسىنىڭ قولداۋى. ەۋروپا قۇرلىعىندا امەريكالىق قولشاقپارلار: پولشا، ليتۆا، چەحيا جانە وكىنىشكە قاراي، ءبىزدىڭ ۋكراينا كومەكتەستى»، - دەدى مەملەكەت باسشىسى.
سودان سوڭ پرەزيدەنت بۇل سەناريدى ىسكە اسىراتىن جەتى كەزەڭدى اتادى.
1. دايىندىق.
2. پارلامەنت ساۋلاۋى.
3. پرەزيدەنت سايلاۋىنا دايىندىق.
4. پرەزيدەنت كامپانياسى.
5. مايدان سەناريىن ۇيىمداستىرۋ.
6. سايلاۋدان كەيىنگى نارازىلىق.
7. وزگەرىستەردىڭ ينفراقۇرىلىمىن زاڭداستىرۋعا دايىندىق.
سونداي-اق لۋكاشەنكو ەلدەگى قۇقىق قورعاۋشىلار نارازىلىقتىڭ كۇشەيۋىن باسقانىن اتاپ ءوتتى.
ەسكە سالايىق، 9- تامىزدا بەلارۋس تاريحىندا التىنشى رەت پرەزيدەنت سايلاۋى ءوتتى. بۇل جولعى سايلاۋدا نەگىزگى بەس ۇمىتكەر بولدى. ەلدە سايلاۋ ۋچاسكەلەرى جابىلعاننان كەيىن جاپپاي تارتىپسىزدىكتەر باستالدى. جەرگىلىكتى حالىق سايلاۋدىڭ الدىن الا ناتيجەسىنە نارازى بولعان.