+7 (701) 759 90 19
16 °С : نۇر-سۇلتان
14 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا ۇزىن وزەندەردىڭ ءبىرى جويىلىپ بارادى

17 قىركۇيەك 09:45
:ءبولىسۋ
قازاقستاندا ۇزىن وزەندەردىڭ ءبىرى جويىلىپ بارادى

نۇر-سۇلتان. قازاقپارات - اقتوبە وبلىسىندا ويىل وزەنى جويىلىپ بارادى. بۇرىن سۋى تولىپ اعاتىن وزەن باتپاققا اينالدى. بۇل تۋرالى «ك ت ك» تەلەارناسىنىڭ سيۋجەتىندە ايتىلدى.

بۇرىن ويىل وزەنى قازاقستانداعى ۇزىن وزەندەردىڭ وندىعىنا ەنەتىن. ءبىراق جىلما-جىل ونىڭ سۋى تارتىلىپ كەلەدى. بۇرىن ۇزىندىعى 800 شاقىرىمعا دەيىن بارسا، قازىر سونشا قۇرعاپ كەتتى، سۋ كوگەرىپ جاتىر.

ويىل اۋدانىنىڭ تۇرعىندارى وزەن مۇلدەم جويىلىپ كەتە مە دەپ قاۋىپتەنەدى. وزەنمەن بىرگە ونىڭ جاعاسىنداعى ونداعان اۋىلدان دا تۇك قالمايدى.

«بۇل وزەن ماقتانىشىمىز بولاتىن، ال قازىر سۋى جوق دەۋگە بولادى. ول قۇرعاپ كەتسە، ادامدار سۋسىز قالادى، جەراستى سۋ دا جويىلادى. وندا تۇرعىندار اۋداننان كوشىپ كەتۋگە ءماجبۇر بولادى»، - دەدى قاراتال اۋىلىنىڭ تۇرعىنى ەرسۇلتان ماكسيموۆ.

جەرگىلىكتى شەنەۋشىكتەر بارىنە تابيعاتتىڭ ءوزى كىنالى دەپ وتىر. ولار سوڭعى ەكى جىلدا قىستىڭ قارى، جاڭبىر دا از بولعانىن العا تارتادى. جاڭبىر مەن قار وزەن سۋىن تولتىراتىن نەگىزگى كوز ەكەن.

ءبىراق ەكولوگتار مۇنى ادامنىڭ قولىنان شىققان ماسەلە دەپ وتىر.

«ءبارى نە ىستەۋ كەرەگىن سۇرايدى. بۇل - سونداي وڭاي پروتسەسس. قيىندىعى جوق. جاسىل جەلەك وتىرعىزىپ، ەكوجۇيەنى قايتا قالپىنا كەلتىرۋ كەرەك. تازالاۋ كەرەك، ارينە. ميللياردتاعان شىعىنمەن كەڭەيتەمىز دەگەن بۇرمالاۋدىڭ كەرەگى جوق. جەر مەن سۋدىڭ ءوز يەسى بولۋ كەرەك»، - دەدى ەكولوگ الەكساندر ماندرىكين.

ويىل سۋى تارتىلىپ جاتقان جالعىز وزەن ەمەس. ايماقتا بارلىق سۋ قويماسى تارتىلىپ جاتقانىن ەكولوگتار بىرنەشە جىلدان بەرى ەسكەرتىپ كەلەدى. ءبىراق ماسەلەنى ءالى ەشكىم شەشپەدى. عالىمدار تالاي جينالىپ، قالاي قۇتقارۋدى تالقىلادى. ءبىراق ازىرگە ودان دا ناتيجە جوق.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات