+7 (701) 759 90 19
1 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ەۋروپا ليگاسى: «قايسار» تاجىريبەلى قارسىلاسىن جەڭە الا ما؟

17 قىركۇيەك 09:14
:ءبولىسۋ
ەۋروپا ليگاسى: «قايسار» تاجىريبەلى قارسىلاسىن جەڭە الا ما؟

نۇر-سۇلتان. قازاقپارات - بۇگىن قازاقستاندىق «قايسار» UEFA ەۋروپا ليگاسى ەكىنشى ىرىكتەۋ ساتىسىندا كيپردىڭ اپوەل كلۋبىمەن كەزدەسەدى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، بۇل كەزدەسۋ قىزىلوردالىق كوماندانىڭ ەۋروكۋبوك ويىندارىنداعى تۇساۋكەسەر ويىنى بولماق.

بۇل مۇمكىندىككە «قايسار» 2019-جىلى قازاقستان كۋبوگىن العاننان كەيىن قول جەتكىزدى.

قىزىلوردالىق كومانداعا تاجىريبەلى كلۋب جولىقتى. جانكۇيەرلەر اپوەل كلۋبىنىڭ الەۋەتىن جاقسى بىلەدى. كيپرلىك كوماندا جىلما-جىل ەۋروكۋبوك ويىندارىندا ويىن كورسەتىپ كەلەدى.

كلۋب 1926-جىلى ەل استاناسى - نيكوسيا قالاسىندا قۇرىلعان. سودان بەرى 28 مارتە چەمپيوندىق اتاققا قول جەتكىزدى. بيىل اتالعان كوماندا ءوز ەلىندە قولا جۇلدەنى قاناعات تۇتتى. ساتسىزدىككە بايلانىستى نورۆەگ مامانى كورە ينگەبريگتسەن قىزمەتىنەن كەتتى. بۇگىندە ول قىزمەتتى گرەكيالىق مارينوس ۋزۋنيديس اتقارادى.

ول 2002-جىلى اپوەل ساپىندا ەل چەمپيونى اتانعان ەدى. ال 2007-جىلى باس باپكەر رەتىندە كيپرلىك كلۋبپەن بىرگە چەمپيون بولدى. ءوز ەلىنىڭ دوپ دوداسىنداعى ساتسىزدىكتەن كەيىن بيىل كوماندا قۇرامىندا دا كوپتەگەن وزگەرىس جاسالدى. كەلىسىم-شارت مەرزىمىنىڭ بىتۋىنە بايلانىستى ۇزاق جىلدان بەرى نەگىزگى قاقپاشى بولعان نيدەرلاندتىق بوي ۆاتەرمان مەن گرەكيالىق پراكسيتەليس ۆۋروس، شۆەتسيالىق لينۋس حاللەنيۋس، كيپرلىك اندرەاس ماكريس، اندرەاس پاراسكيەۆاس، اندرەاس ارتەميۋ، ستافيس الونەفتيس وزگە كلۋبتارعا اۋىسىپ كەتتى.

ولاردىڭ ورنىنا يوردانيالىق ومار حاني، ماكەدونيالىق ۋروش ماتيچ، برازيليالىق الەف، سلوۆەنيالىق ۆيد بەلەتس، سەربيالىق اندريا پاۆلوۆيچ، ميلان ەۆتوۆيچ، يسلانديالىق بورن سيگۋردارسون، پورتۋگالدىق اندرە ۆيديگال كەلدى.

«قايسار» مەن اپوەل كوماندالارى اراسىنداعى ويىن بۇگىن، 17- قىركۇيەكتە ەلوردا ۋاقىتىمەن 18.00 دە باستالادى. كەزدەسۋ شىمكەنت قالاسىنداعى ق. مۇڭايتپاسوۆ اتىنداعى ستاديوندا بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات