مەدەۋ مەن شىمبۇلاق جولىنىڭ جوندەۋ جۇمىستارى قاشان اياقتالادى

None
None
الماتى. قازاقپارات - الماتى قالاسىنىڭ اكىمى باقىتجان ساعىنتايەۆ مەدەۋ مەن شىمبۇلاق جولىنىڭ جوندەۋ جۇمىستارى قاشان اياقتالاتىنىن ايتتى، دەپ حابارلايدى قازاقپارات ءتىلشىسى.

«الماتى» تەلارناسىنداعى Akimat Live باعدارلاماسىنىڭ تىكەلەي ەفيرىندە قالا تۇرعىندارى مەدەۋ مەن شىمبۇلاق جولىنىڭ ساپاسىز سالىنعانىنا شاعىمداندى.

«مەدەۋ مەن شىمبۇلاق - تەك الماتىنىڭ عانا ەمەس، بۇكىل ەلدىڭ ماقتانىشى، برەندى. مەن ول جاققا باردىم. اسفالت قالاي توسەلگەن؟ مەنىڭ ويىمشا، وتە جاقسى. جۇمىس جالعاسىپ جاتىر. وسى جەردە سۇراق تۋىندايدى: قاجەت پە، جوق پا؟ جولدى ۇنەمى كۇتىپ ۇستاۋ كەرەك، اسىرەسە ءبىز بۇل جولدى قىس مەزگىلىندە ءجيى قولدانامىز. تاۋعا تۋريستەر مەن قالا تۇرعىندارى ءجيى بارادى. سوندىقتان قاۋىپسىزدىك ءبىرىنشى ورىندا»، - دەدى ول. ونىڭ ايتۋىنشا، مەدەۋگە اپاراتىن جولدىڭ ءبىر بولىگى 2018 -جىلى جوندەلگەن.

«اسفالتتا كوپتەگەن جارىقتار پايدا بولدى. سوندىقتان، ءبىز ورتاشا جوندەۋ جۇمىسىن جۇرگىزۋ جونىندە شەشىم قابىلدادىق. بەتون قورشاۋلارىن دا اۋىستىرۋ قاجەت. ءبىز تەك بۇلىنگەن جەرلەردى عانا رەتكە كەلتىرەمىز»، - دەدى اكىم. ءسوز سوڭىندا باقىتجان ساعىنتايەۆ جوندەۋ جۇمىستارى جاقىن ارادا اياقتالاتىنىن ايتتى.

سوڭعى جاڭالىقتار