الەمدەگى ەڭ قىمبات فۋتبولشى كومانداسىن اۋىستىرماق

None
None
نۇر- سۇلتان. قازاقپارات. - فرانتسيانىڭ پ س ج فۋتبول كلۋبى 21 جاستاعى شابۋىلشى كيليان مباپپەنى ساتۋعا دايىن سومانى اتادى، دەپ حابارلايدى قازاقپارات «The Sun» سايتىنا سىلتەمە جاساپ.

مباپپە پ س ج- دا 2017 -جىلدان باستاپ وينايدى جانە سودان بەرى كوماندادا 124 ماتچ وتكىزىپ، 90 گول سوققان. پاريج قۇراماسى ساپىندا ءۇش رەت فرانتسيا چەمپيوناتىن جەڭىپ الىپ، ەل كۋبوگى مەن ليگا كۋبوگىنىڭ يەگەرى اتاندى. جىل باسىندا «CIES Football Observatory» زەرتتەۋ ورتالىعى الەمدەگى ەڭ قىمبات فۋتبولشىلاردىڭ جاڭارتىلعان رەيتينگىن ۇسىندى. ول كەزدە ءبىرىنشى ورىن مباپپەگە تيەسىلى بولدى، ونىڭ قۇنى 265,2 ميلليون ەۋروعا باعالاندى.

باسىلىمنىڭ مالىمەتىنشە، شابۋىلشى كوماندانى وزگەرتكىسى كەلەدى جانە ءتۇرلى ۇسىنىستاردى قاراستىرۋعا دايىن. سوندىقتان پ س ج ونى 325 ميلليون ەۋروعا باعالادى. بۇل سوما - فۋتبول تاريحىنداعى رەكوردتىق سوما. كوپتەگەن كلۋبتار 21 جاستاعى كيليان مباپپەنىڭ قۇنى اسىرا باعالاندى دەپ سانايدى. «رەال مادريد» ۇزدىك ويىنشىنى الۋعا دايىن ەكەنىن ءبىلدىردى. اتاقتى كلۋبتىڭ باسشىلىعى الەم چەمپيونى ءۇشىن تەك 100 ميلليون ەۋرو ۇسىنىپ وتىر. ازىرگە كەلىسسوزدەر ءجۇرىپ جاتىر، ەگەر مامىلە جاسالسا، وندا 325 ميلليون ەۋرو تاريحتاعى ەڭ قىمبات اۋدارىم بولماق.

سوڭعى جاڭالىقتار