+7 (701) 759 90 19
16 °С : نۇر-سۇلتان
14 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

«ءتىل شەبەرى»: ءۇش ءتىلدى مەڭگەرگەن ۇزدىكتەر انىقتالدى

16 قىركۇيەك 20:46
:ءبولىسۋ
«ءتىل شەبەرى»: ءۇش ءتىلدى مەڭگەرگەن ۇزدىكتەر انىقتالدى

نۇر- سۇلتان. قازاقپارات - ش. شاياحمەتوۆ اتىنداعى «ءتىل- قازىنا» ورتالىعىنىڭ ۇيىمداستىرۋىمەن وتكەن «ءتىل شەبەرى» رەسپۋبليكالىق ونلاين بايقاۋى ءوز مارەسىنە جەتتى، دەپ حابارلايدى قازاقپارات ءتىلشىسى.

ءتىل ساياساتى كوميتەتىنىڭ ءتوراعاسى ادىلبەك قابا ۇمىتكەرلەردى قۇتتىقتاپ، مەملەكەتتىك ءتىلدىڭ مارتەبەسىنە ايرىقشا توقتالدى.

«شەت ەلدەرمەن حالىقارالىق بايلانىس ارتقان سايىن، كوپ ءتىل بىلەتىن جاس ۇرپاق تاربيەلەۋ قاجەتتىلىگى دە كۇن تارتىبىنە شىعا بەرەدى. بۇل بايقاۋدىڭ باستى ماقساتى - جاھاندىق وركەنيەت پەن ەلىمىزدىڭ دامۋ باعىتىنا ساي ءۇش ءتىلدى - قازاق، ورىس جانە اعىلشىن تىلدەرىن جەتىك مەڭگەرگەن، جان- جاقتى ءبىلىمدى جاستاردى انىقتاپ، قولداۋ كورسەتۋ. ءبىراق، ءبىر نارسەنى باسا ايتقىم كەلەدى، انا ءتىلىڭ ءارقاشان بيىكتە تۇرۋى كەرەك. ويتكەنى، ۇلت ۇستازى احمەت بايتۇرسىنوۆ ايتقانداي، «ءتىلى جوعالعان ۇلتتىڭ ءوزى دە جوعالادى». عالىمداردىڭ ەسەپتەۋىنشە، ءاربىر ون ءتورت كۇن سايىن ءبىر ءتىل جوعالىپ وتىرادى ەكەن. سىرتتان ەشكىم كەلىپ، تىيىم سالىپ جاتقان جوق. قولدانىس اياسى كەمىگەندىكتەن ءورىسى تارىلادى. سول سەكىلدى كۇندەلىكتى تۇرمىستا قازاق ءتىلىن ەكىنشى كەزەككە ىسىرا بەرسەك، قولدانىستان ەرىكسىز شىعاتىن ءسوز قاتارى كوبەيە بەرەدى. سوندىقتان، انا ءتىلىمىزدىڭ ابىرويىن اسقاق الىپ جۇرىڭىزدەر»، - دەدى ول.

جاستار دوداسىنا ەلىمىزدىڭ تۇكپىر- تۇكپىرىنەن 16 ۇمىتكەر قاتىستى. بايقاۋدىڭ ءار كەزەڭىنە كاسىبي ساراپتاما جاساپ، باعا بەرۋ ءۇشىن قۇرىلعان قازىلار القاسى تالانتتى جاستار قاتارى ءوسىپ كەلەدى جاتقانىن اتاپ ءوتتى. ولاردىڭ پىكىرىنشە، جارىسقا تۇسۋشىلەر اعىلشىن ءتىلىن جاقسى مەڭگەرگەن، ال انا تىلىندە ەسسە جازۋ بارىسىندا شۇرايلى ويىن شىرايلى ەتىپ انىق بەينەلەي ءبىلدى. شارا مودەراتورى ش. شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىق ديرەكتورىنىڭ ورىنباسارى ايدوس ءابدىحالىق جاستارمەن ەكسپرەسس- سۇقبات ۇيىمداستىرىپ، ولاردىڭ ەلىمىزدەگى تىلدىك احۋال بويىنشا ءوزارا پىكىر الماسۋعا مۇمكىندىك جاسادى. ارا- اراسىندا ونەرگە كەزەك بەرىپ وتىردى. مۇنىڭ ءبارى سايىستىڭ تارتىمدى، ءوزارا تىعىز بايلانىستى وتۋىنە اسەر ەتكەنى ءسوزسىز. قازىلار القاسىنىڭ شەشىمى بويىنشا باس جۇلدە مەن 300 مىڭ تەڭگەنى قوستانايلىق سۇلەيمەن كەۋلحوسوۆ قانجىعاسىنا بايلادى.

ءبىرىنشى ورىنعا الماتى قالاسىنان ابزالبەك ءادىلحان يە بولىپ، 250 مىڭ تەڭگە سىيلىق الدى. ەكىنشى ورىن مەن 150 مىڭ تەڭگە سىيلىق الماتى وبلىسىنىڭ جاس تۇرعىنى قانات جاقسىبايەۆقا بۇيىردى. ءۇشىنشى ورىندى شىمكەنت قالاسىنان اقەركە بەكبولاتوۆا مەن قاراعاندى وبلىسىنان ءامىرحان ورالبەكوۆ ءبولىسىپ، ءارقايسىسى 100 مىڭ تەڭگەدەن سىيلىققا يە بولدى.

جۇلدەلى ورىندى يەمدەنگەندەرگە قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ ديپلومى تابىستالدى. بۇدان باسقا، بەلسەنە قاتىسقانى ءۇشىن اقتوبە وبلىسىنان قارتجان نارقوزى ەسەنكەلدى ۇلى، پاۆلودار وبلىسىنان مۋسينا ماقپال ەركىن قىزى، جامبىل وبلىسىنان سارسەنبايەۆ الديار باۋىرجان ۇلى 50 مىڭ تەڭگە سىيلىق جانە العىس حاتپەن ماراپاتتالدى. قالعان قاتىسۋشىلار العىس حاتقا يە بولدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات