مەكتەپ وقۋشىلارىنا ارنالعان ەكى ءبىلىم پلاتفورماسى بىرىگىپ جاتىر
ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ءبىلىم بەرۋ پلاتفورمالارىن بىرىكتىرۋگە قاتىستى سۇراق قويىلدى. ءوز كەزەگىندە «Daryn.online» ءبىلىم بەرۋ پلاتفورماسىنىڭ وكىلى ەرجان وڭالبايەۆ قازىرگى كەزدە جۇيەنى قولدانۋشىلار ءۇشىن پلاتفورمانىڭ كوپتىگى قولايسىزداۋ بولىپ تۇرعانىن جەتكىزدى.
«ورتاشا ەسەپپەن ءبىر مەكتەپتە 4-5 پلاتفورما بار. مۇعالىمدەر مەن وقۋشىلار ءار پلاتفورمانىڭ لوگينى مەن قۇپيا ءسوزىن ەستە ساقتاۋى كەرەك. بۇل ءوز كەزەگىندە ىڭعايسىزدۋ بولىپ وتىر. وسى ورايدا «Daryn.online» مەن Kundelik.kz پلاتفورماسى بىرىگىپ، ينتەگراتسيا جاساپ جاتىرمىز. ول قازان ايىنىڭ باسىندا دايىن بولادى. بۇل ينتەگراتسيا بىزگە جانە جەلىنى قولدانۋشىلارعا نە بەرەدى؟ وسى رەتتە ءبىر لوگين ءارى قۇپيا سوزبەن «Daryn.online» مەن Kundelik.kz پلاتفورماسىنا بىردەن كىرۋگە مۇمكىندىك بەرەدى»، - دەپ ءتۇسىندىردى ە. وڭالبايەۆ.
ونىڭ سوزىنە قاراعاندا، الداعى ۋاقىتتا «Daryn.online» پلاتفورماسىندا بەينە ساباقتاردى كورىپ بولعان سوڭ، تەست ورىندالادى. سوندا جينالعان ۇپايلار Kundelik.kz پلاتفورماسىندا كورىنىپ تۇرادى.