+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كوروناۆيرۋسپەن كۇرەستە قانداي ءدارى- دارمەك تيىمدىلىگىن كورسەتىپ وتىر

16 قىركۇيەك 17:51
:ءبولىسۋ
كوروناۆيرۋسپەن كۇرەستە قانداي ءدارى- دارمەك تيىمدىلىگىن كورسەتىپ وتىر

نۇر- سۇلتان. قازاقپارات - COVID-19-بەن كۇرەستە قانداي ءدارى- دارمەك تيىمدىلىگىن كورسەتىپ وتىر؟ كوروناۆيرۋسپەن اۋىرعان جاعدايدا ىلەسپە پاتولوگياسى بار پاتسيەنتتەردى قاراۋدىڭ ەرەكشەلىكتەرى بار ما؟

وسى ساۋالدارعا س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى ىشكى اۋرۋلار كافەدراسىنىڭ مەڭگەرۋشىسى، مەديتسينا عىلىمدارىنىڭ كانديداتى، ەۋروپالىق كارديولوگتار قوعامى ترومبوزام جانە ينسۋلت پەن جۇرەك جونىندەگى جۇمىس توبىنىڭ مۇشەسى احمەتجان سۇگىرالييەۆ جاۋاپ بەردى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، الەمدەگى بۇگىنگى احۋالعا شولۋ ءوزىنىڭ تيىمدىلىگىن كورسەتكەن ەمدەۋ ادىستەرىنە نەگىزدەلىپ وتىر. ەڭ الدىمەن بۇل - قان ۇيۋعا قارسى تەراپيانى قولدانۋ. فرانسۋز دارىگەرلەرىنىڭ مالىمەتتەرىنە سايكەس، امبۋتورلىق امبۋلاتورلىق جاعدايدا قان ۇيۋعا قارسى تەراپيانى قولدانۋ ناۋقاستى اۋرۋحاناعا جاتقىزۋ تاۋەكەلىن تومەندەتەدى. ال اۋرۋحانادا الدىن الۋ دوزاسىن قولدانعان جاعدايدا اتالعان ناۋقاستاردىڭ قارقىندى تەراپيا بولىمشەسىنە اۋىستىرىلۋ تاۋەكەلىن ازايتىپ، ترومبوەمبوليالىق اسقىنۋدىڭ كۇردەلى فورماسىنان ءولىم- ءجىتىمدى تومەندەتەدى. بۇعان قوسا امەريكالىق دارىگەرلەردىڭ اۋىر حالدەگى ناۋقاستارعا قان ۇيۋعا قارسى تەراپيانى قولدانۋ ءولىم- ءجىتىمنىڭ 18 پايىزعا جۋىق تومەندەۋىنە سەپ بولعان.

«ءدارى- دارمەكتىڭ ەكىنشى توبى - ستەرويدتىق تەراپيانى قولدانۋ. ارينە، بۇل - دەكسامەتازون مەن وزگە دە ءدارى- دارمەكتەر. وتتەككە تاۋەلدى پاتسيەنتتەرگە وسى پرەپاراتتاردى قولدانۋ ءولىم- ءجىتىمدى تومەندەتەتىندىگىن كورسەتىپ وتىر. پاتسيەنتكە كومەك بەرە الاتىن پرەپاراتتاردىڭ ءۇشىنشى توبى - انتيبيوتيكتەر قولدانۋ. ولار قايتالاما باكتەريالىق ينفەكسيانىڭ بولۋ بەلگىلەرى زەرتحانالىق جاعدايدا انىقتالىپ، اۋرۋحاناعا جاتقىزىلعان پاتسيەنتتەرگە تاعايىندالادى»، - دەپ تۇسىندىرەدى مەديتسينا عىلىمدارىنىڭ كانديداتى.

سونىمەن قاتار ول جاناما اۋرۋلارى بار COVID-19 جۇقتىرعان ناۋقاستار جۇرەگىنىڭ زاقىمدانۋىنىڭ الدىن الۋ ءۇشىن كولحيتسين پرەپاراتىن قولدانۋ مۇمكىندىگىنە قاتىستى دا ايتىپ بەردى. جالپى حالىقارالىق ساراپشىلاردىڭ پايىمىنشا، كوروناۆيرۋس كەزىندە جۇرەگى اۋىراتىن نەمەسە جۇرەگى زاقىمدانعان پاتسيەنتتەرگە بۇل پرەپاراتتى قولداۋعا بولادى. «گرەكيادا كولحيتسينمەن ەمدەۋ ءتاۋىر ناتيجە كورسەتىپ وتىر. ءبىراق، زەرتتەۋ ءالى اياقتالعان جوق»، - دەدى احمەتجان سۇگىرالييەۆ.

ونىڭ سوزىنە قاراعاندا، سالماعى شامادان تىس ناۋقاستار، قانت ديابەتىمەن، ارتەريالدى گيپەرتونيامەن، جۇرەك، وكپە اۋرۋلارىمەن اۋىراتىن ادامدار كوروناۆيرۋستى تەز جۇقتىرىپ الۋى مۇمكىن. سونىمەن قاتار ولاردىڭ اراسىندا ءولىم- ءجىتىم دە ءجيى كەزدەسەدى.

«كوروناۆيرۋستان ولگەن پاتسيەنتتەردى سويۋ بويىنشا العاشقى ۇلكەن زەرتتەۋدى گامبۋرگتە نەمىستەر جۇرگىزدى. زەرتتەۋ بارىسىندا ولار ولگەندەردىڭ باسىم بولىگى سوزىلمالى اۋرۋلارى بار ادامدار ەكەندىگىن انىقتادى. ەرلەر اراسىندا دا اۋرۋ اۋىر فورمادا وتەتىندىگى بەلگىلى بولدى. سونىمەن قاتار جاناما اۋرۋلارى بار ادامداردا دا دەرت وتە اۋىر وتەدى. ەگەر ادام اۋرۋ بولسا، وندا كەي جاعدايدا ەمدەۋ ادىستەرىن وزگەرتۋگە تۋرا كەلەدى. جۇرەگى اۋىراتىن ادام بۇرىن باسقا ءدارىنى قابىلداپ كەلسە، وندا ول كوروناۆيرۋس جۇقتىرعاننان كەيىن وزگە دارىلىك پرەپاراتقا كوشۋى ءتيىس. مۇنداي ناۋقاستاردى COVID-19-عا شالدىققان كەزدە قاراۋ ەرەكشەلىكتەرى بار»، - دەدى كافەدرا مەڭگەرۋشىسى.

ونىڭ تۇسىندىرۋىنشە، كوروناۆيرۋسپەن اۋرعاندار ءولىمىنىڭ نەگىزگى سەبەپتەرىنىڭ ءبىرى قان ۇيۋىنىڭ دامۋى بولۋى وتىر. دەگەنمەن قازىرگى ۋاقىتتا اتالعان قان ۇيۋىنىڭ الدىن الۋدىڭ جانە ەمدەۋدىڭ حالىقارالىق حاتتاماسى دا بار.

«سانيتارلىق- ەپيدەميولوگيالىق شارالاردىڭ جۇرگىزۋگە قاتىستى ايتار بولساق، بارلىعى دا ەپيدەميولوگيالىق احۋالعا بايلانىستى. ءتىپتى 6 ادامنان ارتىق جينالۋعا جول بەرمەيتىن ۇلى بريتانيا سىندى ەلدەر دە بار. بارلىعى دا اۋرۋدىڭ تارالۋىنا بايلانىستى بولىپ وتىر. ازىرشە، جاقسى زەرتتەلگەن ۆاكسينا جوق. سوندىقتان الدىن الۋ ەرەكشەلىكتەرى جايلى ايتۋ مۇمكىن ەمەس. سوندىقتان ۇلكەن توپ بولىپ جينالماۋ كەرەك. ماسكا تاعىپ، دالاعا شىعىپ كەلگەننەن كەيىن قولدى جاقسىلاپ جۋۋ قاجەت»، - دەدى احمەتجان سۇگىراليەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات