+7 (701) 759 90 19
-17 °С : نۇر-سۇلتان
-5 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

دەپۋتات قازاقستاندىقتاردىڭ نەسيەلەرىن كەشىرۋدى ۇسىندى

16 قىركۇيەك 15:39
:ءبولىسۋ
دەپۋتات قازاقستاندىقتاردىڭ نەسيەلەرىن كەشىرۋدى ۇسىندى

نۇر-سۇلتان. قازاقپارات - دەپۋتات ايقىن قوڭىروۆ قازاقستاندىقتاردىڭ نەسيەسىن كەشىرۋ تۋرالى باستاما كوتەردى.

سوزىنشە، ۇكىمەت سالىق ۋاقىتىلى تولەپ كەلگەن جەكە جانە زاڭدى تۇلعالار ءۇشىن كەڭ كولەمدى نەسيەلىك امنيستيا جاريالاۋ قاجەت، دەپ حابارلايدى Stan.kz اقپارات اگەنتتىگى.

«شاعىن جانە ورتا كاسىپكەرلىك ءوندىرىسىنىڭ كولەمى كارانتين ۋاقىتىندا كۇرت تومەندەدى: قوعامدىق تاماقتانۋ %53 عا، بولشەك ساۋداسى %45 عا، ترانسپورت %37 عا دەيىن كەمىدى. بۇل مەكەمەلەردىڭ بانكروتقا ۇشىراۋىنا نەمەسە جابىلۋىنا، بانكتەر مەن كاسىپكەرلەر اراسىنداعى جانجالعا الىپ كەلۋى مۇمكىن. ەلىمىزدەگى كارانتين كەزىندە 4 ميلليون 200 ادام جۇمىسسىز قالدى. جۇمىسسىزدىق دەڭگەيى %46 عا ارتتى. بۇل ءبىزدىڭ تاريحىمىزدا ءبىرىنشى رەت ورىن الىپ وتىر. قازىرگى داعدارىس ەلدىڭ تەك ەپيدەميالوگيالىق جاعدايىنا عانا ەمەس، ەڭبەك نارىعىنا دا قاتىستى. سوندىقتان جەدەل تۇردە شارا قولدانۋىمىز قاجەت»، - دەدى دەپۋتات.

بۇعان قوسا ول وسى جىلى حالىقتىڭ قارجى ۇيىمدارىنا قارىزى ارتىپ كەتكەنىن العا تارتتى.

«بۇعان دەيىن تۇرعىندار نەسيەنى تۇرمىستىق تەحنيكا، قىمبات كيىم، وتباسىلىق مەرەكەلىك ءىس- شارالار ءۇشىن السا، كارانتين كەزىندە ولار وسى قارىزدارىن جابۋ ءۇشىن تاعى دا نەسيە الۋعا ءماجبۇر بولدى»، - دەپ قوستى قوڭىروۆ.

ايتۋىنشا، مەملەكەت كۆازيمەكەمەلەر مەن بانكتەرگە عانا قولداۋ بىلدىرۋدە. دەپۋتات قازىرگى تاڭدا ازاماتتار مەن شاعىن جانە ورتا كاسىپ وكىلدەرىنە كومەك قاجەت ەكەنىن ايتادى.

«سول ءۇشىن قازاقستاندا كارانتينگە دەيىن ەڭبەك ەتىپ، بارلىق سالىقتى ءوز ۋاقىتىندا تولەپ جۇرگەن جەكە جانە زاڭدى تۇلعالار ءۇشىن كەڭ كولەمدى نەسيەلىك امنيستيا جاريالاۋىمىز قاجەت. قازىر كەي ازاماتتار بانكتەردىڭ قىسىمىنا توتەپ بەرە الماي، قالتالارىڭدا كوك تيىنسىز قالىپ قويۋى دا عاجاپ ەمەس. ال بۇعان اقشانى اكىمشىلىك- شارۋاشىلىققا اۋدارىلماي قالعان قاراجات پەن سالىق جۇيەسىندەگى ءىس- ارەكەتتەر ورىنداۋ ارقىلى تابۋعا بولادى»، - دەيدى دەپۋتات.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات