14:40, 16 - قىركۇيەك 2020 | GMT +6
د د س ۇ كوروناۆيرۋسقا قارسى تاعى ءبىر قازاقستاندىق ۆاكسينانى تىركەدى
نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ۆاكسينالىق ۇمىتكەرلەر تىزىمىنە نانوەمۋلسيۆتى مايلى اديۋۆانت نەگىزىندەگى SARS- CoV-2 (COVID-19) ۆاكسيناسى ەنگىزىلدى، دەپ حابارلايدى قازاقپارات ءتىلشىسى.
ۆاكسينانىڭ 9-قىركۇيەكتە تىركەلگەنىن قازاق ۇلتتىق اگرارلىق ۋنيۆەرسيتەتتىڭ جانىنداعى حالىقارالىق ۆاكسينولوگيا ورتالىعىنىڭ ديرەكتورى قايسار تابىنوۆ Facebook پاراقشاسىندا جازدى.
بۇل ۆاكسينانى ق ر اۋىل شارۋاشىلىعى مينيسترلىگى قاز ۇ ا ۋ حالىقارالىق ۆاكسينولوگيا ورتالىعى مەن ق ر دەنساۋلىق ساقتاۋ مينيسترلىگىنىڭ م. ايقىمبايەۆ اتىنداعى ۇلتتىق اسا قاۋىپتى ينفەكسيالار عىلىمي ورتالىعى بىرلەسە جاساپ شىعارعان. قازىر ول كلينيكاعا دەيىنگى زەرتتەۋدەن ءوتىپ جاتىر.
اۆتور: ايان بەكەن ۇلى