+7 (701) 759 90 19
0 °С : نۇر-سۇلتان
4 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بالا مەن اتا-انانى قاشىقتان وقىتۋعا قالاي بەيىمدەۋگە بولادى - پسيحولوگ كەڭەسى

16 قىركۇيەك 14:15
:ءبولىسۋ
بالا مەن اتا-انانى قاشىقتان وقىتۋعا قالاي بەيىمدەۋگە بولادى - پسيحولوگ كەڭەسى

الماتى. قازاقپارات - پەداگوگ- پسيحولوگ، يۋنيسەف جانە ق ر د م رەسپۋبليكالىق پسيحيكالىق دەنساۋلىق عىلىمي- پراكتيكالىق ورتالىعىنىڭ جاتتىقتىرۋشىسى جۇلدىز ماحاتايەۆا قاشىقتان وقىتۋعا بالالار مەن اتا- انالاردى پسيحولوگيالىق بەيىمدەۋ تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، كارانتين ءبىزدىڭ ءومىرىمىزدى تۇبەگەيلى وزگەرتتى. مەكتەپتەردە قاشىقتان وقىتۋ فورماتى ەنگىزىلدى. بالالار ۇزاق ۋاقىت ۇيدە كارانتيندە بولدى. وسىنىڭ ءبارى ادامنىڭ پسيحولگياسىنا اسەر ەتتى.

«قازىر ادامدار ۇيدەن جۇمىس ىستەپ جاتىر. جالپى بارىنە وڭاي ەمەس. مۇنداي كەزدە سىزدە پايدا بولعان مۇمكىندىكتەرگە نازار اۋدارىپ، ۇرەيگە بەرىلمەۋ ماڭىزدى. ەڭ باستىسى، بايبالام سالماۋ كەرەك. ويتكەنى قازىر بارلىعىمىزدا ۇرەي بار، ول كەز كەلگەن نارسەگە بايلانىستى بولىپ جاتىر. ونىڭ ىشىندە جاقىندارىڭىزدى ينفەكتسيادان قالاي قۇتقارۋعا بولادى، ۇيدەن شىقپاي-اق ءبىر اي نەمەسە بەلگىسىز مەرزىمگە قالاي ءومىر سۇرۋگە بولادى، مەكتەپ باعدارلاماسىن قالاي يگەرۋگە، ەمتيحانداردى قالاي تاپسىرامىن دەگەن سياقتى مازاسىزدىق كوپ. مۇنداي جاعداي بۇرىن بولماعاندىقتان نە ىستەۋ كەرەكتىگىن جاقسى تۇسىنبەيمىز. ونىڭ بارلىعى بۇل جاعدايعا بەيىمدەلمەۋدەن بولىپ وتىر»، - دەيدى پسيحولوگ.

پسيحولوگ اتا- انالارعا بالاسىن مەكتەپكە بەيىمدەۋگە كومەكتەسەتىن بىرنەشە ماڭىزدى ۇسىنىستار بەردى.

«قاشىقتان وقىتۋ - بۇل ەڭ الدىمەن جاتتىعۋ، بوس اۋرەشىلىك پەن زەرىگۋدەن قۇتىلۋدىڭ قۇرالى ەمەس ەكەندىگىن ءتۇسىنۋ كەرەك. تيىسىنشە، كۇندىزگى رەجيمدە وقۋ ءۇشىن ارنايى ۋاقىت ءبولۋ قاجەت. بۇل ادەتتەگى مەكتەپ ۋاقىتى بولسا جاقسى، ياعني كۇننىڭ ءبىرىنشى جارتىسى بولعانى شارت. بۇل جاعدايدا ۆيزۋاليزاتسيا تەحنيكاسىن قولدانىپ كورۋدى ۇسىنامىن. ونى كەز كەلگەن قاراپايىم ادام قولدانا الادى. ءوزىڭدى مەكتەپكە بارىپ ءبىلىم الىپ جاتىرمىن دەپ ەلەستەتىڭىز. ءسىز مەكتەپكە باردىڭىز، تەك بۇل جاعدايدا مەكتەپ ۇيىڭىزدە، بولمەڭىزدە، جۇمىس ۇستەلىڭىزدە بولادى. ياعني ەلەستۋتەۋ ارقىلى مەكتەپتەگى اتموسفەرانى قالىپتاستىرۋ» - دەيدى ول.

سونىمەن قاتار، ول بالالاردىڭ فيزيكالىق بەلسەندىلىگىن ىنتالاندىرۋ ماڭىزدى ەكەنىن ايتتى. «سترەسس - ەڭ الدىمەن، دەنەنىڭ فيزيكالىق رەاكسياسى، سوندىقتان فيزيكالىق كۇش- جىگەردى قاجەت ەتەتىن كەز كەلگەن ارەكەت بالاعا ونىمەن ءتيىمدى كۇرەسۋگە اسەر ەتەدى. ماسەلەن، ءۇيدى تازالاۋ، جاتتىعۋ، ءان ايتۋ، بي بيلەۋ. دەگەنمەن بالانى وزىنە قىزىقتى ەمەس نارسەگە جۇمساماۋعا تىرىسىڭىز. ول نەمەن اينالىسقىسى كەلەتىنىن انىقتاڭىز، سويلەسىڭىز. وعان قوسا بالانىڭ شىعارماشىلىق قول ەڭبەگىن قولداۋ كەرەك جانە ءاردايىم ىنتالاندىرىپ وتىرۋ قاجەت. بالا سۋرەت سالىپ، قاندايدا ءبىر قولونەر بۇيىمدارىن جاساسا، ودان بالا ءلاززات الۋى مۇمكىن نەمەسە ونى سترەسستەن تىنىشتاندىرۋدىڭ جولى. سوندىقتان بالانىڭ اينالىسىپ جاتقان ىسىنە قۇرمەتپەن قاراڭىز» ، - دەيدى پسيحولوگ. سپيكەر، ءسوز سوڭىندا اتا- انالاردىڭ پسيحولوگيالىق كومەككە عالامتور ارقىلى دا جۇگىنە الاتىنىن جەتكىزدى.

«بىزدە covid-19.mentalcenter.kz/ru سايتى بار، وندا ماماندار قاجەتتى كومەك كورسەتەدى»، - دەدى سپيكەر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات