ءاندى جاندى داۋىسپەن ايتقان دۇرىس - پارلامەنت ءتوراعاسى
«مەنىڭشە، ناعىز ونەر ول - ايتىس. ايتىسقا فونوگراممامەن شىعىپ كورىڭىزشى. وندا ەشقاشان، ەشقانداي فونوگرامما بولمايدى. سول ءۇشىن شىعار، حالقىمىز وسى ايتىستى جاقسى كورەدى.
«قيسىق اربا جول بۇزادى» دەپ حالقىمىز ايتقانداي، ونەر ءارقاشان دا تازا بولۋى كەرەك. ءاندى جاندى داۋىستا ايتقان دۇرىس. ال فونوگرامما بولسا، وندا ونى الدىن الا ەسكەرتۋ قاجەت جانە بيلەتتىڭ باعاسى دا سوعان سايكەس بولۋى ءتيىس. ودان كەيىن حالىق ول كونسەرتكە باراتىنىن نە بارمايتىنىن ءوزى شەشەدى. ارينە، كونسەرت جاندى داۋىستا بولسا انشىگە حالىقتىڭ باعاسى دا قۇرمەتى دە جوعارى بولادى»، - دەدى نۇرلان نىعماتۋلين.
ايتا كەتەيىك، جالپى وتىرىستا ق ر مادەنيەت جانە سپورت ءمينيسترى اقتوتى رايىمقۇلوۆا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭى جوباسىن تانىستىرعان بولاتىن. قۇجاتتا مۋزىكالىق شىعارمالاردى ورىنداۋشىلاردىڭ فونوگراممالاردى قولدانۋى تۋرالى كورەرمەندى حابارلاۋى تۋرالى نورما كوزدەلگەن.
اۆتور: مارلان جيەمباي