+7 (701) 759 90 19
10 °С : نۇر-سۇلتان
23 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

فۋتبول: ءبىرىنشى ليگا ويىندارى باستالدى

16 قىركۇيەك 10:44
:ءبولىسۋ
فۋتبول: ءبىرىنشى ليگا ويىندارى باستالدى

نۇر-سۇلتان. قازاقپارات - فۋتبولدان ءبىرىنشى ليگا كوماندالارى اراسىنداعى قازاقستان چەمپيوناتى جالاۋىن كوتەردى، دەپ حابارلايدى قازاقپارات ءتىلشىسى.

قازاقستان كاسىپقوي فۋتبول ليگاسى دوپ دوداسىنىڭ 1-7 تۋر ويىندارىنىڭ كۇنتىزبەسىن جاريالادى.

جاڭا ماۋسىمدا كوماندالار ەكى كونفەرەنتسيا بويىنشا سىنعا تۇسەدى. ءبىرىنشى كونفەرەنتسيادا «اقتوبە»، «التاي»، «ماقتاارال»، «بايقوڭىر»، «قىران»، «ەكىباستۇز» جانە «ارىس» كوماندالارى شەبەرلىك بايقاسادى.

بۇل ويىندار شىمكەنت قالاسىنداعى «بيىك» سپورت كەشەنىندە وتكىزىلەدى.

ەكىنشى كونفەرەنتسيادا «اتىراۋ»، «اقجايىق»، «جەتىسۋ ب»، «قايرات- جاستار»، «اكادەميا وڭتۇستىك»، «شاحتەر-بولات» جانە سديۋسشور 8№ كوماندالارى وينايدى.

اتالعان كوماندالار الماتى وبلىسى تالعار قالاسىندا ورنالاسقان قازاقستان فۋتبول فەدەراتسياسىنىڭ ۇلتتىق قۇرامالار بازاسىندا جاسىل الاڭعا شىعادى.

كوماندالار العاشقى تۋر ويىندارىن وتكىزدى. ءبىرىنشى كونفەرەنتسيادا «ارىس» «التايدان» 2:0، «ەكىباستۇز» «ماقتارالدان» 3:2، «قىران» «بايقوڭىردان» 3:0 ەسەبىمەن باسىم ءتۇستى.

ال ەكىنشى كونفەرەنتسيادا «جەتىسۋ ب» «شاحتەر- بولاتتى» 4:1، «اكادەميا-وڭتۇستىك» «قايرات-جاستاردى» 3:1 ەسەبىمەن تىزە بۇكتىردى.

بۇگىن «اقجايىق» پەن سديۋسشور 8№ كوماندالارى اراسىندا ويىن وتەدى. بىرىنشىلىك ەكى اينالىمنان تۇرادى. ءاربىر كونفەرەنتسيا جەڭىمپازى پرەمەر-ليگاعا جولداما الادى. بۇدان بۇرىن فۋتبولدان پرەمەر- ليگانىڭ سەگىزىنشى تۋر ويىندارى ءوتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات