قۋات حاميتوۆ تاعى مالىمدەمە جاسادى
ول ايتقان سوزىنەن تايمايتىنىن جەتكىزدى.
قۋات حاميتوۆ Instagram جەلىسىندە جاتتىعۋدان كەيىن ۆيدەو جاريالاپ، كەلەسى كەزدەسۋى ماسكەۋدە 25- قىركۇيەكتە وتەتىنىن ايتتى. سونداي-اق ول ءوزىن قولداعان قازاقستاندىقتارعا العىس ءبىلدىردى.
«مەنىڭ ايتقاندارىما كەلەتىن بولساق، ەشكىمدى ۇرۋدىڭ، ەشكىمگە وق اتۋدىڭ قاجەتى جوق. دەنى دۇرىس ادامدار قالجىڭ رەتىندە ايتىلعاننىڭ ءبارىن بىلەدى جانە تۇسىنەدى. ايتقانىمنان باس تارتپايمىن، ءمانى سولاي قالا بەرەدى. دەزينفەكسيانى ءبىز قالاعانداي ەتىپ جاسايتىنىنا ءالى دە كۇمانىم بار. سوندىقتان ايتقانىمنان قايتپايمىن، تەك مۇنى تەرروريزم، ەكسترەميزم دەپ ويلاعاندار دا بار ەكەن. ءبىراق ءبارى جالعان، مەنىڭ تاراپىمنان ەشقانداي ەكسترەميزم جوق. مەن حالىقپەن بىرگەمىن، ءاردايىم بەيبىتشىلىك بولعانىن قالايمىن»، - دەدى قۋات حاميتوۆ.
ەسكە سالايىق، 14- قىركۇيەكتە قۋات حاميتوۆتىڭ ۆيدەوسى ءۇشىن پوليتسياعا جەتكىزىلگەنى حابارلانعان بولاتىن.
ايتا كەتەيىك، Instagram جەلىسىندەگى پاراقشالاردىڭ بىرىندە قۋات حاميتوۆتىڭ بيلىك وكىلدەرىنىڭ تالابىنا مويىنسىنباۋعا شاقىرعان ۆيدەوسى تارالعان ەدى.