وقۋشى قىز تەلەفوننان مۋزىكا تىڭداپ جاتقان كەزدە قايتىس بولدى

نۇر-سۇلتان. قازاقپارات - تايلاندتىڭ سولتۇستىك-شىعىسىنداعى رويەت قالاسىندا وقۋشى قىز قۋاتتاۋ قۇرىلعىسىنا قوسىلعان سمارتفوننان مۋزىكا تىڭداپ جاتقان كەزىندە قايتىس بولعان، - دەپ حابارلايدى Lenta.ru.

دەرەككوز مالىمەتىنشە، 16 جاستاعى تانيالۋك فاي پحاداسريدىڭ دەنەسى 10- قىركۇيەكتە، بەيسەنبىدە تابىلعان. ول كۇيىپ قالعان تەلەفوندى قولىنا قىسىپ جاتقان كۇيى تابىلدى. موينى مەن قولى كۇيىك العانى ايتىلادى.

مارقۇمنىڭ اكەسى قىزىنا جۇرەك-وكپە رەانيماتسياسىن جاساۋعا تىرىسىپ، دارىگەرلەردى شاقىرعان. الايدا پحاداسريگە كومەكتەسۋ مۇمكىن بولمادى، وقيعا ورنىنا كەلگەن دارىگەرلەر ونىڭ ءولىمىن تىركەدى.

پوليتسەيلەردىڭ ايتۋىنشا، قىز ءوز بولمەسىندە وتىرعان. قۇلاققاپ ارقىلى تەلەفوننان مۋزىكا تىڭداپ وتىرعان ساتتە ونى توك ۇرعان دەلىنەدى.