+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

مىرزاتاي جولداسبەكوۆ «كۇلتەگىن» ۇلتتىق ورتالىعىن اشۋدى ۇسىندى

16 قىركۇيەك 08:13
:ءبولىسۋ
مىرزاتاي جولداسبەكوۆ «كۇلتەگىن» ۇلتتىق ورتالىعىن اشۋدى ۇسىندى

نۇر-سۇلتان. قازاقپارات - مەملەكەت جانە قوعام قايراتكەرى مىرزاتاي جولداسبەكوۆ ەلوردادا «كۇلتەگىن» تاريحي-مادەني ۇلتتىق ورتالىعىن اشۋدى ۇسىندى.

بۇل يدەياسىن عالىم قالا اكىمى التاي كولگىنوۆپەن كەزدەسۋىندە ايتتى، دەپ حابارلايدى قازاقپارات ءتىلشىسى.

«تاۋەلسىزدىگىمىز بەن ەلوردامىزدىڭ قالىپتاسۋ كەزەڭدەرىنە ەلەۋلى ەڭبەگى سىڭگەن مىرزاتاي اعامىز ۇلتىمىزدىڭ رۋحاني كەمەلدەنۋىنە ءالى دە ۇلەس قوسىپ كەلەدى. تۇركى حالىقتارىنىڭ كونە داۋىردەگى بىرنەشە عاسىرلىق مادەني مۇرالارىنىڭ ءبىرى - كۇلتەگىن ەسكەرتكىشىن تەرەڭ تانۋعا، كوشىرمەسىن ەلوردا تورىندەگى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ورناتىلۋىنا اتسالىستى. وسى وقيعاعا 20 جىلعا جۋىق ۋاقىت وتسە دە، مىرزاتاي اعامىز ءالى دە تىنباي ەڭبەكتەنىپ ءجۇر. بۇگىنگى كەلەلى كەزدەسۋدە دە ءبىرقاتار يدەيا، ۇسىنىسىمەن ءبولىستى. ونىڭ ءبىرى - «تاۋەلسىزدىك» ستەللاسى بولسا، ەكىنشىسى - «كۇلتەگىن» تاريحي-مادەني ۇلتتىق ورتالىعىن قۇرۋ تۋرالى ويى.

بۇل قۇندى ۇسىنىستاردى الداعى جۇمىس جوسپارلارىمىزدى سارالاپ، ەسكەرەمىز. تاريحىمىزدى تەرەڭدەتە تۇسەتىن كۇلتەگىن زامانىنان سىر شەرتىپ، ۇلتىمىزعا ءتان بىرلىك پەن بەرەكە سول ىقىلىم زامانداردان باستاۋ العانىن تىلگە تيەك ەتتى»، - دەپ جازدى ا. كولگىنوۆ Instagram-داعى پاراقشاسىندا.

كەزدەسۋ سوڭىندا مىرزاتاي جولداسبەكوۆ نۇر-سۇلتان اكىمىنە مەملەكەتتىك سىيلىققا قاتىسىپ جاتقان «ۇلى دالا ادەبيەتى» ەڭبەگى مەن ءوزى تۋرالى زامانداس زيالى قاۋىم وكىلدەرىنىڭ پىكىرلەرى جيناقتالعان كىتاپتى تارتۋ ەتكەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات