+7 (701) 759 90 19
16 °С : نۇر-سۇلتان
14 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستان حالقى اسسامبلەياسى ۇلتتىق ديالوگ الاڭىنا اينالدى - قىرعىز جازۋشىسى

16 قىركۇيەك 07:42
:ءبولىسۋ
قازاقستان حالقى اسسامبلەياسى ۇلتتىق ديالوگ الاڭىنا اينالدى - قىرعىز جازۋشىسى

نۇر-سۇلتان. قازاقپارات - تۇركىتىلدەس مەملەكەتتەر ىنتىماقتاستىق كەڭەسى باس حاتشىسىنىڭ ورىنباسارى، قىرعىزستان حالىق جازۋشىسى سۇلتان رايەۆ قازاقستان حالقى اسسامبلەياسىنىڭ مۇشەلەرىن 25 جىلدىق مەرەيتويىمەن قۇتتىقتادى، دەپ حابارلايدى قازاقپارات ءتىلشىسى.

كەشە اۋە رەيسىنىڭ كەشىگۋىنە بايلانىستى تۇركىتىلدەس مەملەكەتتەر ىنتىماقتاستىق كەڭەسى باس حاتشىسىنىڭ ورىنباسارى سۇلتان رايەۆ كونفەرەنتسياعا قاتىسا المادى. كونفەرەنتسيا بارىسىندا ارىپتەستەرى ونىڭ قۇتتىقتاۋ ءسوزىن وقىپ بەردى.

«جاپپاي قونىس اۋدارۋ، ءماجبۇرلى يمميگراتسيالار بولعان ورتالىق ازيا ەلدەرى ءۇشىن جاڭا تاريحي كەزەڭدە مەملەكەتتەر مەن مەملەكەتتىلىكتىڭ قۇرىلۋى باستى ماسەلەگە اينالدى. كەڭەس وداعى ىدىراعاننان كەيىن وسى ەلدەردىڭ تاۋەلسىزدىككە قول جەتكىزۋى، مەملەكەت پەن قوعامنىڭ وزەكتى ماسەلەلەرىنىڭ ءبىرى - ەتنوسارالىق قاتىناستاردىڭ ۇيلەسىمدى مودەلىن جاساۋ جانە حالىقتىڭ بىرلىگىن دامىتۋداعى نەگىزگى ۆەكتورلاردى ىزدەۋ بولدى. 130 دان استام ۇلت پەن ۇلىس تۇراتىن قازاقستاندا 25 جىل بۇرىن قازاقستان حالقى اسسامبلەياسى قۇرىلعان بولاتىن. قىسقا ۋاقىت ىشىندە ول قوعامدىق ۇيىمنان ۇلتتىق ساياساتتى جۇزەگە اسىرۋدىڭ قۋاتتى، سەرپىندى، الەۋمەتتىك جانە ساياسي ينستيتۋتىنا اينالدى»، - دەيدى قىرعىزستان حالىق جازۋشىسى سۇلتان رايەۆ.

ونىڭ ايتۋىنشا، بۇگىندە قازاقستان حالقى اسسامبلەياسى - 9 دەپۋتاتتان، پارلامەنت ماجىلىسىندەگى قازاقستاننىڭ جوعارعى زاڭ شىعارۋشى ورگانىنداعى وكىلدەرىنەن تۇراتىن ەلدىڭ ساياسي ومىرىندەگى تولىققاندى سۋبەكت.

«قازاقستان حالقى اسسامبلەياسىنىڭ ءتوراعاسى نۇرسۇلتان نازاربايەۆ بۇدان بۇرىن اتاپ وتكەندەي، اسسامبلەيانىڭ زاماناۋي ۇندەۋلەرگە جاۋاپتار مەن ءىس-ارەكەتتەردى دامىتۋ ءۇشىن ۇلكەن عىلىمي، ساياسي جانە قوعامدىق الەۋەتى بار. قازاقستان حالقى اسسامبلەياسى بۇگىندە ۇلتتىق ديالوگ الاڭىنا اينالدى.

اسسامبلەيانىڭ جەتىستىككە جەتۋىنىڭ باستى فاكتورلارىنىڭ ءبىرى - ۇلتارالىق قاتىناستار مەن ۇلتتىق بىرلىكتىڭ قازاقستاندىق مودەلى - اسسامبلەيانىڭ باسىندا قازاقستاننىڭ ءبىرىنشى پرەزيدەنتى نۇرسۇلتان نازاربايەۆتىڭ بولعانى جانە سولاي بولا بەرەتىندىگى، سونىمەن قاتار تۇركىتىلدەس مەملەكەتتەردىڭ ىنتىماقتاستىق كەڭەسىنىڭ دامۋىنا كوپ ەڭبەك سىڭىرگەندىگى بولدى.

وسى كونفەرەنتسيادا ءسوز سويلەۋ مەن ءۇشىن ۇلكەن مارتەبە جانە ۇلكەن جاۋاپكەرشىلىك. مەن بارلىعىنا جەمىستى جۇمىس تىلەيمىن، ال قازاقستان حالقى اسسامبلەياسى - الەمدەگى بەيبىتشىلىك پەن كەلىسىمدى، تۇراقتىلىقتى نىعايتۋ جولىنداعى بيىك ماقساتقا جەتە بەرسىن»، - دەيدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات