21:31, 15 - قىركۇيەك 2020 | GMT +6
قىتايدا اسكەري جاعداي رەجيمى ەنگىزىلدى
نۇر-سۇلتان. قازاقپارات - قىتايدىڭ يۋننان پروۆينتسياسى ميانمامەن شەكاراداعى قالالاردا اسكەري جاعداي رەجيمىن ەنگىزدى، - دەپ حابارلايدى «حابار 24».
سەبەبى كورشى ەلدەن كەلگەن ەكى ازاماتتان ۆيرۋس انىقتالعان ەكەن. جۋيلي قالاسىنىڭ بارلىق تۇرعىنىن كوروناۆيرۋسقا تەكسەرۋ تۋرالى شەشىم قابىلدانىپ، تۇرعىندارعا اسا قاجەتتىلىكسىز ۇيىنەن شىقپاۋ بۇيىرىلعان.
ال قالادان 12- قىركۇيەكتەن كەيىن كەتكەندەر قاجەت ورگاندارعا توقتاعان ورىندارى تۋرالى حابارلاپ، تەست تاپسىرۋى كەرەك.
ايتا كەتەيىك، يۋنان پروۆينتسياسى ميانمامەن شەكارالاس. ايماقتا بۇگىنگە دەيىن شەتەلدەن كەلگەن 7 ادامدان ۆيرۋس انىقتالعان ەكەن.