21:15, 15 - قىركۇيەك 2020 | GMT +6
قايرات كەلىمبەتوۆ پرەزيدەنتكە جاڭا اگەنتتىك ەرەجەسىنىڭ جوباسىن تانىستىردى
نۇر-سۇلتان. قازاقپارات - مەملەكەت باسشىسى ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى قايرات كەلىمبەتوۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
پرەزيدەنتكە جاڭادان قۇرىلعان ستراتەگيالىق جوسپارلاۋ جانە رەفورمالار اگەنتتىگىن قۇرۋدىڭ تاسىلدەرى، ونىڭ ىشىندە اگەنتتىك ەرەجەسىنىڭ جوباسى، شتات سانى مەن ونىڭ جىلدىڭ سوڭىنا دەيىنگى قىسقا مەرزىمدە اتقاراتىن قىزمەتى تۋرالى اقپارات بەرىلدى.
قاسىم-جومارت توقايەۆ قوعامدى تولعاندىرعان ماسەلەلەر مەن ۇسىنىستاردى ساراپتاپ، پىسىقتاۋدى، سونداي-اق، قازاقستان حالقىنا ارناعان جولداۋىندا اتالعان مىندەتتەردى ىسكە اسىرۋدى تاپسىردى.