20:46, 15 - قىركۇيەك 2020 | GMT +6
نازاربايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسىن قابىلدادى
نۇر-سۇلتان. قازاقپارات - نۇرسۇلتان نازاربايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆتى قابىلدادى، دەپ حابارلايدى قازاقپارات elbasy.kz-كە سىلتەمە جاساپ.
كەزدەسۋدە قاۋىپسىزدىك كەڭەسىنىڭ ءتوراعاسىنا «100 ناقتى قادام» ۇلت جوسپارىن ىسكە اسىرۋ اياسىندا سىبايلاس جەمقورلىققا قارسى كۇرەستى كۇشەيتۋ بويىنشا قابىلدانىپ جاتقان شارالار تۋرالى اقپارات بەرىلدى.
ا. شپەكبايەۆ اگەنتتىكتىڭ سىبايلاس جەمقورلىقتىڭ الدىن الۋ، حالىقارالىق ىنتىماقتاستىقتى دامىتۋ، مەملەكەتتىك ورگانداردىڭ بيۋجەتىنىڭ اشىقتىعىن ارتتىرۋ، سونداي-اق وسى ۇدەرىستە ازاماتتىق قوعام وكىلدەرىمەن ىنتىماقتاستىقتى نىعايتۋ بويىنشا جۇرگىزىلىپ جاتقان جۇمىستارى تۋرالى ايتىپ بەردى.