+7 (701) 759 90 19
-17 °С : نۇر-سۇلتان
-5 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

الماتى وبلىسىندا مال ۇرلاعان ءۇش بارىمتاشى قىلمىس ۇستىندە ۇستالدى

15 قىركۇيەك 19:26
:ءبولىسۋ
الماتى وبلىسىندا مال ۇرلاعان ءۇش بارىمتاشى قىلمىس ۇستىندە ۇستالدى

تالدىقورعان. قازاقپارات - الماتى وبلىسىندا ءۇش بارىمتاشى قىلمىس ۇستىندە ۇستالدى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قىلمىس ۇستىندە ۇستالعان كۇدىكتىلەر 20 باس ۇساق مال ۇرلىعىن تولىعىمەن مويىندادى.

قىسقا مەرزىم ىشىندە ەسكەلدى اۋدانىنىڭ تۇرعىندارىنان جەكە سەكتور، ياعني اۋلالارىنان ۇساق مالدىڭ تۇنگى ۋاقىتتا ۇرلانعانى تۋرالى بىرنەشە ارىز كەلىپ تۇسكەن. اتالعان دەرەكتەر ق ر ق ك 181-بابى 1-بولىگى بويىنشا تىركەلىپ، ءبىرقاتار جەدەل ىزدەستىرۋ شارالارى ۇيىمداستىرىلعان. ناتيجەسىندە ءتارتىپ ساقشىلارى 13-نەن 14 - قىركۇيەككە قاراعان ءتۇنى بۇرىن ۇرلىق جاسالعان جەرلەردە كوزگە تۇسكەن «Toyota Aristo» كولىگىن انىقتادى. پوليتسيا كولىكتىڭ سوڭىنان قۋىپ جەتىپ، ونى ساعات 03:00 شاماسىندا الماتى- وسكەمەن اۆتوجولىندا توقتاتقان.

كولىكتە 22، 25 جانە 26 جاستاعى ءۇش ەر ادام بولعان. تەكسەرۋ بارىسىندا ءتارتىپ ساقشىلارى كولىكتىڭ جۇكسالعىشىنان اقىن سارا اۋىلىنىڭ 57 جاستاعى تۇرعىنىنىڭ تاڭباسىمەن تاڭبالانعان، بايلاۋلى ەكى قوشقاردى تاپتى. ۇستالعان كۇدىكتىلەر اقىن سارا، قاراتال جانە اقتاستى اۋىلدارىنىڭ سەگىز تۇرعىنىنان 20 باس ۇساق مال ۇرلاعانىن مويىندادى. بارىمتاشىلاردىڭ بىرىنە تيەسىلى اۆتوكولىك قىلمىس قۇرالى رەتىندە سوت شەشىمىنە دەيىن ارنايى تۇراققا قويىلدى. كۇدىكتىلەر ۋاقىتشا ۇستاۋ وقشاۋلاعىشىنا قاماققا الىندى. ولاردىڭ وبلىس اۋماعىنداعى وسىعان ۇقساس اشىلماعان قىلمىستارعا قاتىسى بار- جوعى تەكسەرىلىپ جاتىر.

اۆتور: سامال قابىشيەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات