بلوك بەكەتتەگى وقيعا: ەكس- پوليتسەي سوت الدىندا جاۋاپ بەردى
ازات ازاماتوۆقا قاتىستى ءىستى قاراساي اۋداندىق سوتىنىڭ سۋدياسى ءمادي كوشەكبايەۆ قاراۋدا. سوت بارىسىندا پروكۋرور ايىپتاۋ اكتىسىن وقىپ بەردى.
پروكۋروردىڭ ايتۋىنشا، 25 - مامىردا تاڭەرتەڭ BMW جۇرگىزۋشىسى الماتى وبلىسىنداعى № 4 بلوكپوستى قيراتىپ وتكەن. سول كەزدە ول ماس بولعان. «مەنى تۇندە بۇرىنعى ارىپتەستەرىم كوكساي اۋىلىنا شاقىردى. ءبىز سول كۇنى كولىكتە سىرا ىشتىك. سودان كەيىن ۇيىقتاۋعا جاتتىم. ارى قاراي ەشتەڭە ەسىمدە جوق. مەن اۋرۋحانادا وياندىم»، - دەيدى ايىپتالۋشى.
پروكۋروردىڭ سۇراقتارىنا جاۋاپ بەرگەن ازاماتوۆ سول ءتۇنى 2-3 بوتەلكە سىرا ىشكەنىن ايتتى. ول اناسىنىڭ اتىنا تىركەلگەنى BMW ماركالى اۆتوكولىكتى باسقارعان. سونىمەن قاتار، ازاماتوۆ 21 - مامىردا جۇمىستان شىققانىن ايتتى. ارىزدى 20 - مامىردا جازعان. ول 2014 -جىلدان باستاپ قۇقىق قورعاۋ ورگاندارىندا جۇمىس ىستەگەن.
«بۇعان دەيىن مەندە ءبىر تارتىپتىك زاڭ بۇزۋشىلىق بولدى»، - دەپ جاۋاپ بەردى زارداپ شەككەن پوليتسەيدىڭ قورعاۋشىسى قويعان سۇراققا. «قۇرمەتتى سوت، قۇرمەتتى جابىرلەنۋشىلەر، مەن ءوز كىنامدى تولىقتاي مويىندايمىن»، - دەپ ازاماتوۆ ءوز كىناسىن مويىندادى.
ايتا كەتەيىك، سوت وتىرىسى زارداپ شەككەن تاراپتاردىڭ بولماۋىنا بايلانىستى ءبىر اپتاعا شەگەرىلگەن بولاتىن. الماتى وبلىسىنىڭ پروكۋراتۋراسى 28 - مامىرداعى جول اپاتىنا بايلانىستى ا. ازاماتوۆقا قاتىستى سوتقا دەيىنگى تەرگەۋ ءىسى باستالعانى تۋرالى حابارلاعان بولاتىن. ونىڭ ءىس- ارەكەتىنە بايلانىستى ق ر ق ك 345-بابىنىڭ 4-بولىمىمەن (ماس كۇيىندە كولىك ايداپ، ەكى نەمەسە ودان كوپ ادامنىڭ قازاسىنا اكەلگەن جول اپاتىن تۋدىرۋ) بويىنشا قىلمىستىق ءىس قوزعالعانىن ايتقان. وعان دەيىن قىلمىستىق ءىس ق ر ق ك 99-بابىنىڭ 2- ءبولىمى بويىنشا قارالعان ەدى.
ەسكە سالايىق، 25 - مامىر تاڭعى ساعات 05:26-دا BMW ماركالى كولىكتى باسقارعان 28 جاستاعى جۇرگىزۋشى ماس كۇيىندە بلوكپوستاعى پوليتسيا كولىگىن سوقتى. سول جەردە ەكى پوليتسيا قىزمەتكەرى كوز جۇمدى. ال زارداپ شەككەن ءۇشىنشى پوليتسەي اۋرۋحانادا ەسىن جيىپ، جازىلىپ شىقتى. كەيىن ق ر ىشكى ىستەر ءمينيسترى ەرلان تۇرعىمبايەۆ قىلمىستىق ءىستىڭ ءمان- جايىن تەرگەۋدى ىشكى ىستەر مينيسترلىگى وزىنە العانىن ءمالىم ەتتى. وسى وقيعادان كەيىن الماتى قالالىق پوليتسيا دەپارتامەنتىنىڭ 9 قىزمەتكەرى تارتىپتىك جازاعا تارتىلدى. ءۇش لاۋازىمدى قىزمەتكەر جۇمىسىنان بوساتىلدى.
اۆتور: الما مۇقانوۆا